Isaias Afewerki

Isaias Afewerki edo Afwerki (tigrinyeraz: ኢሳይያስ ኣፈወርቂ; Asmara, Eritrea, 1946ko otsailaren 2a) eritrear gerrillari eta buruzagi politikoa da. Eritreako presidentea 1993ko maiatzaren 24tik.

Isaias Afewerki
(2022) Irudi gehiago
1. Eritreako presidente 1993ko maiatzaren 19a -
Bizitza
Jaiotza	Asmara, 1946ko otsailaren 2a (79 urte)
Herrialdea	Eritrea
Familia
Ezkontidea(k)	Arsema Mehari
Hezkuntza
Heziketa	Addis Ababa University (en)
Jarduerak
Jarduerak	politikaria eta lehendakaria
Jasotako sariak	ikusi Order of Zayed Order of King Abdulaziz al Saud Order of the Republic of Serbia
Zerbitzu militarra
Parte hartutako gatazkak	Eritrean War of Independence (en) Etiopiako Gerra Zibila Hanish Islands conflict (en) Eritrean Civil Wars (en) Eritrean–Ethiopian War (en) Djiboutian–Eritrean border conflict (en)
Sinesmenak eta ideologia
Erlijioa	Monofisismoa Eritrean Orthodox Tewahedo Church (en)
Alderdi politikoa	People's Front for Democracy and Justice (en)

Bizitza

1966an, 20 urte zituela, lotu zitzaion Afewerki Eritrea Etiopiatik askatzeko borrokari. Addis Abebako Unibertsitatean ikasten hasia zen, baina ikasketak utzi, eta Eritrearen Askapenerako Frontean (EAF) sartu zen. Txinara bidali zuten gero, trebatzera, eta handik itzultzean, eskualde baten ardura eman zioten. 1970ean, zatiketa gertatu zen EAF barruan. Afewerki Eritrearen Askapenerako Herri Frontean (EAHF) kokatu zen, eta guda-unitate baten agintaritza eman zioten.

1977an, EAHFren idazkari nagusiaren ordezko izendatu zuten, eta, hamar urte geroago, idazkari nagusi. 21 urte Etiopiaren aurkako gerrillan aritu ondoren, Afewerki armada garaile baten buru zela sartu zen Asmaran, Eritreako hiriburuan. 1991n behin-behineko gobernu baten buru hautatu zuten; gobernu hark Eritrearen etorkizuna erabakitzeko erreferenduma antolatu behar zuen bi urteko epean. Nahiz eta bera independentzia osoaren aldeko izan, Afewerkik ez zuen erabat baztertu konfederazio bat egitea Etiopiarekin, herri horren mendean baitzen egona Eritrea 1952az gero. 1993ko erreferendumean, Eritreak Etiopiatik bereiztea erabaki zuen, eta Isaias Afewerki izendatu zuten estatu jaioberriaren lehendakari.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Isaias Afewerki

• Datuak: Q57348
• Multimedia: Isaias Afwerki / Q57348