Jim Sinclair

Jim Sinclair (Lamesa, Texas, Ameriketako Estatu Batuak, 1940) pertsona autisten eskubideen aldeko ekintzaile estatubatuarra da. Kathy Lissner Grant eta Donna Williamsekin batera, Autism Network International erakundea sortu zuten 1992an^[1] eta bertako lehen koordinatzaile bihurtu zen^[2].

Jim Sinclair
Bizitza
Jaiotza	Lamesa, 1962ko urria (63 urte)
Herrialdea	Ameriketako Estatu Batuak
Hezkuntza
Heziketa	Syracuseko unibertsitatea
Jarduerak
Jarduerak	aktibista
Kidetza	Autism Network International

Bizitza

Jim Sinclairren esanetan, ez zuen hitz egin 12 urte arte^[3]. Pertsona intersexuala da eta neska bezala hazi zen. Pertsona ez-bitar eta asexual gisa identifikatzen du^[4].

1998an, errehabilitazio aholkularitzako graduondoko ikaslea izan zen Syracuseko Unibertsitatean (New York estatua)^[2].

Sinclair da «autisten eskubideen posizioa» adierazi zuen lehen pertsona^[5]. Gainera, «autismoa duen pertsona» moduko esamoldeak baztertu dituen lehen pertsona autista dokumentatua da^[6].

1993an, autistak «sendatzeko» saiakeren aurkako artikulua idatzi zuen, Don't Mourn for Us izenekoa^[7].