Leovigildo

Leovigildo^[1] (gotikoz: Liwigilds, latinez: Liuvigildus; ? - Toledo, Hispania, 586ko udaberria), bisigodoen erregea izan zen. Rekaredo eta Hermenegildoren aita zen. Baskoiak menderatzen saiatu zen eta bi hiri eraiki zituen: Victoriacum (Gasteiz aldean omen dago) eta Rekopolis (Guadalajaran).

Leovigildo
Irudi gehiago
Sueboen erregea 585 - 586 ← Andeca (en) - Rekaredo I.a → Bisigodoen erregea 568 - 586 ← Atanagildo - Rekaredo I.a →
Bizitza
Jaiotza	525 (egutegi gregorianoa)
Heriotza	Toledo, 586ko apirilaren 21a (60/61 urte)
Familia
Ezkontidea(k)	Gosvinta
Seme-alabak	ikusi Hermenegildo Rekaredo I.a
Haurrideak	ikusi Liuva I.a
Jarduerak
Jarduerak	subiranoa
Sinesmenak eta ideologia
Erlijioa	arianismoa

Biografia

Bisigodoen garaiko errege nagusia izan zen, eta sueboen erreinua menderatu zuen. Arrianismoaren jarraitzaile sutsua zen eta fededun guztiak dotrina horretara biltzen saiatu zen etengabe, katolikoen kaltetan, haien aurkako jazarpen odoltsuak zuzendu baitzituen. Baskoiak menderatzen saiatu zen eta haien matxinada bat deuseztatu zuen 581. urtean. Elezahar baten arabera, Victoriaco (egungo Gasteiz hiriaren inguruan) hiria sortu zuen, garaipen hura ospatzeko. Toledon finkatu zuen bere gortea eta erabat zentralizatu zuen administrazioa.