Mainel

Mainela arkitektura-elementu sostengatzaile bat da, zutabe edo pilare mehe itxura du eta bao bat (ate edo leiho bat) erditik bi zatitan banatzen du.

Mainel
Zutabea
Irudi gehiago

Ezaugarriak

Eliz atari batean kokatuta badago, sarritan erlijio ikonografiaz apainduta egoten da. Trumeau termino frantsesarekin esaten zaie hauei arkitekturako terminologian.

Eskailera, balkoi edo baranda bateko barkalun bakoitzari ere, mainel esaten zaio.

Leiho baten kasuan, mainel batek bi baotan zatitzen badu egitura, bifora edo ajimez esaten zaio; bi mainel eta hiru baokoa trifora da, eta hiru mainel eta lau baokoa, kuadrifora.

Iruditegia

Trumeau direlakoak, eliz atarietakoak:

• 
  Debako eliz atarikoa, Kristo Salbatzailearekin.
• 
  Babesaren Atekoa, Andre Mariarekin, Iruñeko Katedralean.
• 
  Eltziegoko elizakoa.
• 
  Aintzaren Ataria, Santiago de Compostelako katedrala. Mainelak Done Jakueren irudia dauka.
• 
  Santa María la Realen elizpea, Sasamon (Burgos).

Leihoetakoak:

• 
  Bifora edo ajimeza Olakua dorretxean (Oñati).
• 
  Trifora.
• 
  Kuadrifora bat Brescian, erdiko mainela zutabe bikoitzekoa delarik.

Bibliografia

• Escudero, Lorenzo; Morales Gómez (2015). Artearen hiztegi bisuala . Madril: katedra. ISBN   978-84-376-3441-8 .

Kanpo estekak

• Datuak: Q2031967
• Multimedia: Mullions / Q2031967