Maria Sahlin
diseinatzaile suediarra From Wikipedia, the free encyclopedia
Remove ads
Maria Sahlin (jaiotzez Persson; Tolånga, 1847ko ekainaren 15a – Göteborg, 1926ko urriaren 29a)[1][2] suediar enpresaburu eta moda diseinatzailea izan zen.
Remove ads
Bizitza
Per Mårtensson merkatariaren eta haren emazte Boelen alaba zen.[3] 1868ko urtarrilaren 31n Carl Petter Sahlinekin (1833-1902) ezkondu zen.[1] Bere senarrak hasieran Sahlins Konfektions AB enpresa zuzentzen zuen, eta gero finantza-galerak izaten hasi zen. Maria Sahlinek enpresak aurrez egindako haurrentzako arropa ekoizten eta saltzen hastea iradoki zuen, garai hartan Suedian ia ez baitzen eskuragarri. Enpresak ekoizten zituen puntuzko jantziak modaz pasata zeuden eta gaizki saltzen ziren.[4] Tamaina estandarizatuetarako modeloak diseinatu zituen, eta 1894an hasi zen arropa ekoizten Eslöven. 1896ko Eskandinaviako Industria eta Eskulanen Erakusketan, arropak arreta handia erakarri zuen diseinuagatik. Sahlinek diseinatutako jantzirik ospetsuena marinel jaka da, 1950eko hamarkadara arte saldu zena.[5] Sahlins Konfektions AB enpresak porrot egin zuen 1899an, eta ondoren Sahlin senar-emazteak Göteborgera joan ziren bizitzera. Han Sahlins Barnbeklädnadsmagasin denda ireki ztuen, XX. mendearen lehen erdian arrakastatsua izan zena. Maria Sahlin 1926an hil zenean, bere alaba Ellen Sahlinek hartu zuen dendaren ardura.[6]
Remove ads
Erreferentziak
Kanpo estekak
Wikiwand - on
Seamless Wikipedia browsing. On steroids.
Remove ads