Okzitaniar

Okzitaniarrak (okzitanieraz: occitans) hego-mendebaldeko Europan bizi den talde etnolinguistikoa da. Okzitaniera dute hizkuntza, 100.000-800.000 hiztun inguru dituena. Okzitanian- hegoaldeko Frantzian, Kataluniako Arango haranan eta Fenolhedésen eta ipar-mendebaldeko Italian- bizi dira.^[1] Diaspora handia ere badute: Argentinan, Mexikon, Estatu Batuetan eta Calabriako Guardia Piemontese udalerrian.

Okzitaniarrak
1. lerroa: Olympe de Gouges · Frédéric Mistral · Bernadette Soubirous · Jean Jaurès 2, lerroa: Michel Galabru · Marie Laforêt · Francis Cabrel · Audrey Tautou
Biztanleak guztira
c. 15.000.000
Biztanleria nabarmena duten eskualdeak
Frantzia: 10.840.000  Italia: 174.476  Monako: 6.900  Espainia: 5.550
Hizkuntza
Okzitaniera
Erlijioa
Kristautasuna
Zerikusia duten beste giza taldeak
Euskaldun, Katalan herria

Lotura Euskal Herriarekin

Okzitaniarrak euskaldunon iparraldeko auzokideak ditugu. Baiona, Biarritz eta Angelu aldean ere okzitanieraz hitz egiten dute, eta baita Nafarroa Behereko iparraldeko herri batzuetan ere.

Okzitaniera Pirinioetako hegoaldean Erdi Aroan Nafarroako eta Aragoiko zenbait tokitan mintzatu zen, euskara eta nafarrera-aragoierarekin batera. Hiztunak Okzitaniatik (Gaskoniatik batez ere) jatorrizko merkatariak eta eskulangileak ziren, Done Jakueren bidean zeuden hiri berrietan geratu zirenak. Jakan XIII. mendeko amaiera edo XIV. mendeko hasiera arte mintzatu zen; Lizarran eta Iruñean XVI. mendera arte.

Gipuzkoako itsasbazterrean ere, etorkin asko izan ziren eta egungo toponimia horren aztarna da.^[2]