Paneka handi

Paneka handia edo takart handia (Trisopterus luscus) Gadidae familiako arraina da, ipar-ekialdeko Ozeano Atlantikoan bizi dena^[1].

Paneka handi
Irudi gehiago
Sailkapen zientifikoa
Erreinua	Animalia
Filuma	Chordata
Ordena	Gadiformes
Familia	Gadidae
Generoa	Trisopterus
Espeziea	Trisopterus luscus (Linnaeus, 1758)

Trisopterus luscus

Banaketa

Baatik bat Europako uretan aurki daiteke, Britainiar uharteen hegoalde eta mendebalde inguruan eta Eskandinaviako uretan batez ere, nahiz eta Mediterraneoan eta Afrikako iparraldeko kostaldean ere aurki daitezkeen^[2]. Itsas hondo arrokatsu eta hareatsuetan zehar aurki daitezke, itsasertzetik gertu ale txikiagoak aurkitzen direlarik eta handienak, aldiz, itsasertzetik urrunago mugitzen dira makaldi handiagoekin. 300 metroko sakoneraraino bizi daitezke (980 oin)^[3].

Tamaina eta bizi-zikloa

Gutxitan gainditzen ditu 30 zentimetro, nahiz eta ale bakanak luzera horren ia bikoitza izatera irits daitezkeen. Bi urte bete baino lehen ugaldu daiteke eta azkar hazten da, 15 zentimetro inguruko luzera lortuz lehen urtearen amaieran. Bizitza nahiko laburra duten espezieak dira, batez besteko bizialdia lau urte ingurukoa dela uste delarik ^[4].

Elikadura

Itsas hondotik elikatzen diren sarraskijaleak dira. Itsasoko zizareekin, itsaskiekin eta arrain hilekin elikatzen dira. [4] Tamaina txikiko arraina dela eta, espezie handien harrapakin iturri dira, hala nola bakailaoa, lupia eta aingirak.

Balio ekonomikoa

Lehen, ez zen kontuan hartzen paneka arrain komertzial gisa, eta arraste-ontziek oharkabean harrapatzen zituzten, itsasoan baztertzen ziren edo arrain-irinetan prozesatu ^[4]. Hala ere, bakailaoa bezalako espezieen stocken beherakadak ikusita, geroz eta balio handiagoa hartzen ari da arrain komertzial gisa^[4], eta gaur egun merkatuan eskuragarri daude eta arrain produktuetan ere erabiltzen dira, hala nola arrain hatzetan eta janari prestatuetan.