Planaria

Planaria Planariidae familiaren barneko turbelario generoa da. Espezierik ezagunena, bakarra zenbait autoreren arabera^[1], Planaria torva da. Hau ur gezako turbelarioa da, Europan bizi dena. 4-15 milimetro luze izaten da, gris edo marroia bizkarraldean eta argiagoa sabelaldean^[1]. Nahiz uretako animalia izan, ez du igeri egiten; urazpian arrastan ibiltzen baita, epidermisetik isurtzen duten muki antzeko jariakinaren gainean lerratuz. Elikatzeko eraz haragijalea da: ur gezako gastropodoak, Naididae familiako oligoketoak eta uretako artropodoak jaten ditu^[2].

Planaria terminoaren beste esanahi batzuen berri izateko, ikus: «Planaria (argipena)»

Planaria
Irudi gehiago
Sailkapen zientifikoa
Erreinua	Animalia
Filuma	Platyhelminthes
Ordena	Tricladida
Familia	Planariidae
Generoa	Planaria OF Müller, 1776

Bestalde, adiera zabalagoan, planaria deritze turbelarioen har zapal ez-parasitoei ere.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

1. Raymond Ball, Ian; Reynoldson, B. Doris M. Kermack eta R. S. K. Barnes ed. British Planarians. Platyhelminthes: Tricladida. Keys and notes for the identification of the species.-Synopses of the British Fauna (New Series). Cambridge University Press  doi:10.1002/iroh.19830680211..
2. Reynoldson, T. B.; Sefton, A. D.. (1976). «The food of Planaria torva (Müller) (Turbellaria-Tricladida), a laboratory and field study» Freshwater Biology: 383–393.  doi:10.1111/j.1365-2427.1976.tb01623.x. ISSN 0046-5070..

Kanpo estekak

• Datuak: Q2855014
• Multimedia: Planaria / Q2855014
• Espezieak: Planaria (Müller)