Puzker

Puzkerra edo uzkerra, soinugabea denean putza ere deitzen dena^[1], ugaztun eta beste zenbait animaliaren digestioak sortutako gasak, sabel-haizea alegia, uzkitik kanporatzea da, usain eta soinu berezi batez.

Puzker
Puzkerra txantxa eta isekarako baliabidea da kultura askotan. Profesionalki ere flatulistak existitu dira historian zehar.
Deskribapena
Mota	iraizpena digestive sign (en)
Espezialitatea	digestio aparatuaren medikuntza
Sortzen du	stink (en)
Identifikatzaileak
MeSH	D005414

Luis Bujanda doktoreak emandako datuen arabera haize-minek bizitza normala egitea eragozten dieten biztanleen %3ri.^[2]

Osagaiak

Puzkerra

Puzkerren osagai nagusiak gas usaingabeak dira:

• Nitrogenoa (sabeleratua, % 20 - % 90).
• Hidrogenoa (mikrobioek ekoitzia, % 0 - % 50).
• Karbono dioxidoa (sabeleratua edo mikrobio aerobioek ekoitzia, % 10 - % 30).
• Metanoa (mikrobio anaerobioek ekoitzia, % 0 - % 10).
• Oxigenoa (sabeleratua, % 0 - % 10).

Usain txarra beste osagai batzuek eragiten dute, proteinen hausturak eragina:

• Azido butirikoa (gurin zaharminduaren usaina).
• Sufre konposatuak.
  • Hidrogeno sulfuroa (arrautza ustel usaina).
  • Karbono disulfuroa.

Gorotzen partikula aerosolizatuak ere badituzte, baina kopuru txiki-txikian.