Quorum sensing

Biologian, quorum sensinga, autoindukzioa edo quorum-pertzepzioa gene-erregulazioaren bidezko zelula-hazkuntza bateko zelula-populazioaren dentsitatea detektatzeko eta honi erantzuteko gaitasuna da.^[1] Quorum sensingaren bidez autoinduktore deritzen seinale kimikoak askatzen dituzte, komunitate osoaren gene onuragarrien adierazpen genetikoa emendatzen edo induzitzen dutenak. Quorum sensing hau, bereziki maila zelularrean ematen bada (adibidez, minbizi-zelulen arteko komunikazioan)^[2], zenbait intsektu-taldeek ere, inurrien kasu, halako mekanismoak erabiltzen dituzte;^[3] adibidez, habia sortzeko momentuan.^[4]

Zelula-dentsitatea baxua denean, autoinduktore-dentsitatea txikia izango da, txikiegia gene onuragarriaren adierazpena bultzatzeko. Zelula-dentsitatea emendatu ahala, antoinduktore-dentsitatea emendatuko da, ekoizpen proteikoari hasiera emanez.