Real Sociedad (emakumezkoen futbol taldea)

Real Sociedad de Fútbol (euskaraz, Reala eta Erreala izenez ezaguna) Donostiako emakumezko futbol taldea da. 2004an sortua, egun Lehen mailan dabil. 2019 urtean Erreginaren Kopa irabazi zuen eta 2020an Espainiako Superkopako finala jokatu zuen. 2022an bigarren izan zen eta Txapeldunen Liga jokatzeko sailkatu zen. Horrez gain, hiru urtez, Euskal Herria Kopa irabazi du.

Real Sociedad de Fútbol, S.A.D.

Ezizena(k)	Txuri-urdinak, Erreala
Sorrera	2004 (21 urte)
Futbol zelaia	Zubietako kirol-instalakuntzak inaugurazioa: 1913
Presidentea	Jokin Aperribay
Entrenatzailea	José Luis Sánchez Vera
Liga	Lehen maila
2024-26	6.a
Webgunea	www.realsociedad.com
Etxekoa 　 Kanpokoa 　 3. koloreak

Athleticen aurkako derbia, Anoeta estadioan.

2018-2019 denboraldiko taldekideak Anoeta estadioan.

Historia

Errealaren emakumezkoen taldea 2004an sortu zen. Euskal Ligan jokatzen hasi zen eta bi urtetan Lehen mailara igotzea lortu zuen.

Hasierako urteetan emaitza apala izan zituen, gehienez ere sailkapenaren erdialdean kokatu zen. 2017an Gonzalo Arconada entrenatzailea fitxatu zuen taldeaari bultzada eman nahian eta jauzi kualitatiboa 2019ko Erreginaren Kopa txapelketan egin zuen, pronostikoak hautsiz finalean Atletico Madril 2-1 garaitu eta aurreneko titulu handia eskuratu zuenean. Nahikari García aurrelari urnietarra zen taldeko izarra.

2020an Natalia Arroyo entrenatzaileak hartu zuen taldearen arduna. 2020-21 amaieran hainbat jokalari garrantzitsuk taldea utzi zuten eta maila jeitsiko zela pentsatu bazen ere, inoizko denboraldi onena izan zuten donostiarrek 2021-22koa. 2. postuan sailkatu ziren eta Txapeldunen Liga jokatuko dute. Aurreko faseko aurkaria Bayern Munich izan zuten eta alemaniarrak nagusitu ziren 0-1 anoetan eta 3-1 Munichen. Urte berean bigarren aldiz jokatu zuten Superkopako finala eta 3-0 nagusitu zitzaien Bartzelona taldea.

2022-23 denboraldia apalagoa izan zen Ligan baina Erreginaren Kopan ibilbide oparoa egin zuen. Final aurrekoetan Atletico Madril kanporatu eta finalera sartu zen. Zaragozan Bartzelonaren aurrean jokaturiko finalean ez zuen aukera handirik izan eta kataluniarrak 8-0 emaitzaz nagusitu ziren.

2024an José Luis Sánchez Vera entrenatzaile madrildarrak ordezkatu zuen Natalia Arroyo. 2024-25 denboraldia ongi hasi zuen, Ligako hirugarren postura iritsi eta Errege Kopako finalerdiak ere jokatu zituen. Baina ondoren hamar partida egin zituen irabazi gabe eta taularen erdialdean finkatu zen. Hurrengo urterako aldaketa handiak etorri dira, entrenatzailearen kontratua eten eta bederatzi jokalarik baja eman dutelako, tartean Ane Etxezarreta, Amaiur Sarriegi, Elene Lete eta Sanni Franssi.

Urtez urte

Denbor. Maila Postua Kopa Superkopa EH Kopa Europa 2004-05 Euskal Liga 1.a 2005-06 2. maila (1. taldea) 1.a 2006-07 Lehen maila 9.a 2007-08 Lehen maila 10.a 2008-09 Lehen maila 10.a 2009-10 Lehen maila 7.a final 1/8 2010-11 Lehen maila 8.a Final 1/2 Finalista 2011-12 Lehen maila 7.a Txapelduna 2012-13 Lehen maila 10.a Finalista 2013-14 Lehen maila 7.a final 1/4 Finalista 2014-15 Lehen maila 11.a Finalista 2015-16 Lehen maila 5.a Finalista 2016-17 Lehen maila 8.a final 1/4 Finalista 2017-18 Lehen maila 7.a final 1/4 Finalista 2018-19 Lehen maila 7.a Txapelduna Txapelduna 2019-20¹ Lehen maila 6.a final 1/8 Finalista Txapelduna 2020-21 Lehen maila 5.a final 1/4 2021-22 Lehen maila 2.a final 1/4 Txapelduna 2022-23 Lehen maila 8.a final 1/8 Finalista Finalista Txapeldunen Liga, 2. itzulia 2023-24 Lehen maila 8.a Finalista 2024-25 Lehen maila Final 1/2

• ¹ 2019-20 denboraldian COVID-19 pandemiaren erruz Liga 21. jardunaldian bertan behera gelditu zen.

2019ko Erreginaren Kopa

Ibilbidea

Fasea	Etxekoa	Emaitza	Kanpokoa
Final 1/8	Valencia CF	1-2 (luz)	Erreala
Final 1/4	Erreala	4-0	Rayo Vallecano
Final 1/2	Erreala	3-1	Sevilla FC
Finala	Atlético Madril	1-2	Erreala

Finala

2019ko maiatzaren 11	Atletico Madril	1 – 2	Real Sociedad	Nuevo Los Cármenes, Granada Ikusleak: 17.550 Epailea: Martínez Madrona
	Esther  15'		18' Kiana Palacios  60' Nahikari Garcia

2024-2025 Taldea

Zbk. Postua Jokalaria 1 ATE Elene Lete 2 ATZ Manuela Vanegas 3 ATZ Izarne Sarasola 4 ATZ Nahia Aparicio 5 ATZ Maria Valle 6 ERD Ane Etxezarreta 7 AUR Amaiur Sarriegi 8 ERD Ardeia Jacinto 9 AUR Sanni Franssi 10 ERD Nerea Eizagirre 11 AUR Cecilia Marcos 12 ATZ Lucía Rodríguez

Zbk. Postua Jokalaria 13 ATE Olatz Santana 14 ERD Elene Viles 15 ERD Violeta Quiles 16 AUR Nora Sarriegi 17 ERD Jacqueline Owusu 18 AUR Lucía Pardo 19 AUR Lorena Navarro 20 AUR Mirari Uria 21 ATZ Emma Ramírez 22 ERD Klára Cahynová 23 ERD Claire Lavogez 26 ERD Elene Guridi 31 ATE Alazne Estensoro

Entrenatzaileen zerrenda

• 2004-07: Iñigo Domínguez
• 2007-08: Garbiñe Etxeberria
• 2008-10: Javi Garmendia
• 2010-12: José Manuel Etxabe
• 2012-15: Unai Gazpio
• 2015-17: Igor San Miguel
• 2017: Juanjo Arregi
• 2017- 2020: Gonzalo Arconada
• 2020- : Natalia Arroyo ^[1]

Palmaresa

• Lehen maila (0):
  • Bigarrena 2021-22an.
• Erreginaren Kopa:
  • Txapelduna (1): 2019.
  • Finalista (1): 2024.
• Espainiako Superkopa (0):
  • finalista 2020an.
• Euskal Herria Kopa:
  • Txapelduna (4): 2012, 2019, 2020, 2022.
  • Txapeldunordea (7): 2011, 2013, 2014, 2015, 2016, 2017 eta 2018.

Sariak

• Donostiako Urrezko Danborra (2020)^[2][3]

B taldea

2018an Errealaren B taldea eratu zen.

Urtea	#	Maila	Postua
2018-19	5	Gipuzkoako Erregionala	1.a (igo)
2019-20	4	Euskal Liga	1.a
2020-21	3	Lehen Nazionala	1.a
2021-22	3	Lehen Nazionala	5.a
2022-23	4	Lehen Nazionala	1.a (igo)
2023-24	3	Bigarren Federazioa	7.a
2024-25	3	Bigarren Federazioa