Sally Potter

Charlotte Sally Potter (Londres, Erresuma Batua, 1949ko irailaren 19a)^[1] britainiar film-zuzendari, gidoilari eta aktorea da, Orlando (1992) lanarengatik bereziki ezaguna. Film horri esker, Veneziako Zinemaldiko pelikula onenaren publikoaren saria irabazi zuen.^[2][3]

Sally Potter
Irudi gehiago
Bizitza
Jaiotza	Londres, 1949ko irailaren 19a (75 urte)
Herrialdea	Erresuma Batua
Familia
Ezkontidea(k)	Christopher Sheppard (en)
Hezkuntza
Hizkuntzak	ingelesa
Jarduerak
Jarduerak	film-zuzendaria, gidoilaria, zinema ekoizlea, soinu banda konpositorea, aktorea, antzerki zuzendaria eta errealizadorea
Lan nabarmenak	ikusi Orlando
Jasotako sariak	ikusi Britainiar Inperioko Ordenaren ofiziala  (2012) Young European Film of the Year  (1993) : Orlando
sallypotter.com

Bizitza

Sally Potter Cillian Murphy eta Bruno Ganzen artean Berlinalen (2017).

Potter 14 urterekin hasi zen filmak egiten, osaba-izebetako batek bideo-kamera bat oparitu zionean.^[4] Behin-behinean ikasketak utzi eta zuzendaritzan hasi zen.

Ibilbidea

1970ean London Film-Makers' Co-op erakundearekin elkartu zen eta bertan hasi zen film esperimentalak egiten. 1979an Thriller izeneko film laburra zuzendu zuen, bere herrialdean gertakari bilakatu zen filma. 1983an bere lehen film luzea zuzendu zuen, The Gold Diggers (1983), Julie Christie protagonista zuela.

Nazioartean zabaldu zen Orlando (1992) filmaren zuzendari gisa, Potterrek estimazio handia lortu zuen kritikaren aldetik bere zuzendaritza eta gidoiarengatik. Tilda Swinton protagonista izan zuen filma Virginia Woolfen izen bereko eleberrian oinarritu zen, eta Potterrek berak egokitu zuen pantaila handira.^[5] Orlando lanaren zuzendari arrakastatsua izan ostean, besteak beste, The Tango Lesson (1997), The Man Who Cried (2000), Yes (2004), Rage (2009), Ginger & Rosa (2012) eta The Party (2017) filmak zuzendu zituen Potterrek.

Filmografia

Besteak beste, lan hauexetan hartu du parte:^[6]

Film luzeak

• The Gold Diggers (1983)
• Orlando (1992)^[7]
• The Tango Lesson (1997)
• The Man Who Cried (2000)
• Yes (2004)
• Rage (2009)
• Ginger & Rosa (2012)
• The Party (2017)^[8]
• The Roads Not Taken (2020)

Film laburrak eta esperimentalak

• Jerk (1969)
• Hors d'oeuvres (1970)
• Black & White (1970)
• Play (1970)
• Thriller at Women Make Movies (1979)
• London Story at Women Make Movies (1980)

Sariak eta aintzatespenak

• 2012an, Britainiar Inperioaren Ordenako ofizial izendatu zuten.

Veneziako Nazioarteko Zinema Jaialdia

Urtea	Kategoria	Filma	Emaitza
1992[2]	Elvira Notari saria	Orlando	Irabazlea
	OCIC saria		Irabazlea