Sam Altman

Sam Altman (Chicago, AEB, 1985) teknologiako ekintzaile, inbertsore eta programatzaile estatubatuarra da.^[1] Adimen artifizialeko OpenAI enpresako burua da, eta zuzendu zuen hori baino lehenago Y Combinator Silicon Valleyko enpresa haztegi handia.^[2][3] Altman konfundatzaile izan da beste proiektu batzuetan ere, hala nola Loopt (2005) eta Worldcoin (2020).

Sam Altman
Irudi gehiago
presidente-zuzendari nagusi 2023ko azaroa -
Bizitza
Jaiotzako izen-deiturak	Samuel Harris Altman
Jaiotza	Chicago, 1985eko apirilaren 22a (40 urte)
Herrialdea	Ameriketako Estatu Batuak
Bizilekua	San Frantzisko
Talde etnikoa	judua
Familia
Haurrideak	ikusi Jack Altman (en) allhumansarehuman.com
Hezkuntza
Heziketa	Stanford Unibertsitatea : informatika John Burroughs School (en)
Hizkuntzak	ingelesa
Jarduerak
Jarduerak	enpresaburua, programatzailea eta ekintzailea
Parte-hartzailea Unconfuse Me with Bill Gates Lex Fridman Podcast
Enplegatzailea(k)	Y Combinator Loopt (en) Reddit Inc. OpenAI Foundation (en)  (2018 -
Lan nabarmenak	ikusi Hydrazine Capital (en)
Jasotako sariak	ikusi ohorezko doktore : Waterlooko Unibertsitatea  (2017)
blog.samaltman.com

Biografia

Altman Saint Louis hirian hazi zen, familia judu batean. Zortzi urte zituela jaso zuen lehen ordenagailua.^[4] Bigarren mailako ikasketak egin zituen John Burroughs Schoolen, eta informatika ikasi zuen Stanford Unibertsitatean, 2005ean ikasketak utzi zituen arte.^[5] 2017an, Waterlooko Unibertsitateak honoris causa titulua eman zion.^[6]

2005ean, 19 urte zituela, Altmanek Loopt sortu zuen, kokapen geografikoan oinarritutako sare sozial mugikor bat, aplikazio eran funtzionatzen zuena.^[7][8] 2012ko martxoan, Loopt Green Dot Corporation-ek erosi zuen 43,4 milioi dolarren truke.^[9]

Altman 2011n hasi zen Y Combinator-en lanaldi partzialeko bazkide gisa.^[10] 2014ko otsailean, Y Combinator taldeko presidente izendatu zuen Paul Graham sortzaileetako batek.^[11][12] 2014an pozik adierazi zuen Altmanek Y Combinatorren enpresen balorazioak 65.000 milioi dolar gainditu zituela, arrakasta kasuak aipatuz: Airbnb, Dropbox, Zenefits eta Stripe barne.^[13]

Adimen artifizialeko OpenAI enpresan zentratu zen 2015etik aurrera.^[14] Altman izan zen inbertsoreetako bat, eta beste ere batzuk izan ziren lehen une hartan, horien artean Elon Musk, Jessica Livingston, Peter Thiel, Amazon Web Services, Infosys eta Y Combinator bera.

2023an une labur batez OpenAItik apartatu zuen enpresako kontseilu exekutiboak, baina laster itzularazi zuten lanera.^[15]

2025eko urtarrilaren, Donald Trump AEBetako presidentearen bigarren agintaldiko lehen egunean agertu zen Trumpen ondoan Etxe Zurian, adimen artifizialarentzako azpiegiturak sortzeko Stargate proiektuaren iragarpenean.^[16] Ordurako mila milioi dolarreko aberastasuna (billioinaire izatea, AEBetako terminoetan) aitortzen zion jada Forbes aldizkariak.^[17]