Skype

Skype (orokorrean /skáɪp/ ahoskatua; jatorrizko estonieraz, /∫ýpe/), Internet bidez deiak egitea ahalbidetzen zuen softwarea zen, 2025eko maitzetik Teamsek ozdezkatua. Aplikazio horrek bat-bateko mezuak, bideokonferentziak edota fitxategiak trukatzeko aukera ere ematen zuen. Ahti Heinla, Priit Kasesalu eta Jaan Tallinn estoniarrek 2003an sortu zuten zerbitzua. Bere garaian, Kazaa software aplikazioa ere bultzatu zuten. Halere, Skype Group delako taldeak suediar eta daniar sustraiak ere zituen, Niklas Zennström eta Janus Friis enpresariek ere parte hartu zutelako. Enpresaren egoitza nagusia Luxenburgon zegoen arren, bulego gehiago zituen Londres, Stockholm, Tallinn, Tartu, Praga eta San Jose (Kalifornia) hirietan.

Skype
Jatorria
Sortzailea(k)	Niklas Zennström (en) , Janus Friis (en) , Ahti Heinla, Priit Kasesalu, Jaan Tallinn eta Toivo Annus
Sorrera-urtea	2003
Argitaratze-data	2003
Azken bertsioa	8.138.0.209
Ezaugarriak
Genero artistikoa	bat-bateko mezularitza bezeroa eta VoIPa
Hizkuntza	eleaniztuna
Euskarria	iOS, Microsoft Windows, Android eta Linux
Programazio-lengoaia	Delphi, Objective-C, C++ eta Object Pascal
Irakur dezake	Skype user data (en) , Skype Extras Manager log (en) eta Skype chatsynch (old) (en)
Sistema eragilea	Microsoft Windows, macOS, Android, iOS, Symbian, Windows Phone, Linux, BlackBerry OS eta webOS (en)
Idatz dezake	Skype user data (en) , Skype Extras Manager log (en) eta Skype chatsynch (old) (en)
GUI tresnak	Qt
Egile-eskubideak	copyrightduna
Lizentzia	lizentzia jabedun
Kokapena
Jabea	Microsoft
Ekoizpena
Garatzailea	Skype Technologies (en)
Fikzioa
Erabiltzen du	Skype protocol (en)
skype.com

Zerbitzuaren ezaugarri nagusietako bat zen erabiltzaileek doan egin zezaketela berba euren artean, betiere, Skype aplikazioaren bidez. Bestalde, YY SkypeOut izeneko ezaugarria ere bazuen eta telefono finkoetara zein mugikorretara deitzea ahalbidetzen zuen, ordainduz gero: prezioa desberdina zen, herrialdearen arabera. SkypeIn aukerarekin, ordea, posible zen telefono batetik ordenagailu batera dei egitea. Aplikazioak eskaintzen zituen aukeren artean doako ahots-mezuak lagatzea zegoen.

Skyperen erabilera oso parekoa zen Windows Live Messenger edota Yahoo! Messenger bezalako bat-bateko mezularitza zerbitzuekin alderatuta.

2005ean, eBay etxeak enpresa erosi zuen, 2.600 milioi dolarren truke.

Deskribapen orokorra

Skype zuen edozein erabiltzailerekin testu bidez, ahots edo bideo-txat bidez komunika zitekeen, doan eta edonondik. Horrez gain, kostu baxuko deiak egin zitezkeen, bai mugikorretara, bai ordenagailuetara.

Sistema eragileak

• Windows 7, Windows XP, Windows Vista, Windows Mobile
• Mac OS X
• iPhone OS
• GNU/Linux banaketak
• Play Station Portable

Kanpo estekak

• Web orri ofiziala (Ingelesez)
• Web orri ofiziala (Gaztelaniaz)
• Web orri ofiziala (Frantsesez)
• Skype-rentzako euskarazko fitxa

• Datuak: Q40984
• Multimedia: Skype / Q40984