Terminator

Terminator estatubatuar frankizia mediatiko bat da, James Cameronek eta Gale Anne Hurdek sortua.^[1] Zientzia-fikzioaren ziberpunk azpigenerokotzat hartzen da. Frankizia The Terminator filmaren arrakastarekin abiatu zen.

Terminator
Jatorria
Sortzailea(k)	James Cameron
Sorrera-urtea	1984
Izenburua	Terminator
Jatorrizko herrialdea	Ameriketako Estatu Batuak
Honen izena darama	Terminator (en)
Ezaugarriak
Hizkuntza	ingelesa
Argumentu nagusia	adimen artifiziala, Denbora bidaia eta AI takeover (en)

Sinopsia

Frankiziako muina da Skynet izeneko adimen sintetiko baten eta John Connor buru duen gizakien erresistentziaren arteko gerra postapokaliptikoa.

Skynetek Terminator esaten zaien ziborg hiltzaile batzuen bidez borrokatzen du: gizakiak imitatzeko eta erresistentzian infiltratzeko diseinatuak daude, eta zenbait modelotan ageri dira. Filmetan zehar modelo nabarmen bat T-800 delakoa da, Terminator izen soilarekin ezagutua, eta film funtsezkoenetan Arnold Schwarzeneggerek antzeztu duena. Denboran bidaiak dira frankiziaren beste alderdi nabarmena, gizakiak eta Terminatorrak askotan atzera bidaltzen dituzte iragana aldatzeko eta etorkizunaren emaitza aldatzeko.

Osagarriak

2020 bitartean, hauek dira frankiziaren ikus-entzunezko aleak:

1. The Terminator, 1984an estreinatua, James Cameronen film originala.
2. Terminator 2: Judgment Day, 1991.
3. Terminator 3: Rise of the Machines, 2003.
4. Terminator Salvation 2009an estreinatua.
5. Terminator Genisys, 2015ean estreinatua
6. Terminator: Dark Fate, 2019koa.

Frankiziak telesail bat ere izan du: Terminator: The Sarah Connor Chronicles. 2008tik 2009ra emititu zen.