The Magazine

The Magazine Londresko jatetxe eta eraikin moderno bat da, Hyde Park parkean dagoena, Zaha Hadid arkitektoak diseinatua eta 2013. urtean irekia.

The Magazine
Serpentine North Gallery
Irudi gehiago
Kokapena
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Londresen banaketa administratiboa	Westminster Hiria
Koordenatuak	51°30′26″N 0°10′17″W
Historia eta erabilera
Irekiera	2013
Arkitektura
Arkitektoa	Zaha Hadid

Historia eta ezaugarriak

19. mendekoa den eraikin baten luzapena da. Eraikin originalari The Magazine zeritzon, arma biltegia izendatzeko terminoa, militarrek helburu horretarako erabiltzen baitzuten 1963 arte^[1]. Adreiluzko eraikin hori gaur egunean Serpentine North Gallery arte galeria da (Serpentine Galleries multzoaren parte, beste eraikin bat dagoelarik hegoalderako), baina 2013an eraberritzea inauguratu zenean, Serpentine Sackler Gallery izena jarri zitzaion, eta Magazine zen eraikin zaharraren izena luzapen moderno honetara igaro zen, jatetxea bilakatu zena. Sackler izena 2021ean kendu zuten^[2], Sackler familiaren izen ona hondatu ondoren, oxikodona droga opiazeoren zabalkundearekin aberastutako familia hori baita mezenasgo honen^[3] eta beste askoren atzean egondakoa.

Adreiluzko galeria zahar eta nagusiaren ondoan, biribiltasunak eta zuritasuna dira nagusi Hadidek egindako luzapenean. Barrualdean onddo formako bost zutabe nabarmentzen dira, gela hipostilo baten itxura ematen diotenak espazioari^[4].

Barrualdea, areto hipostilo baten tankerakoa zutabe horiekin.

Kanpoaldea, 19. mendeko adreiluzko eraikin historikoari itsatsia.