Tirol

Tirol (Tirol alemanieraz eta Tirolo italieraz) Erdialdeko Europaren mendebaldeko eskualde historiko bat da, Austriako gaur egungo Tirol estatuak eta Italiako eskualdea den Trentino-Adige Garaiak osatua. Lehenengoak Ipar eta Ekialdeko Tirol osatzen dute, eta Adige Garaiak Hego Tirola. Tiroldarrak dira bertako biztanleak.

Beste esanahi batzuen berri izateko, ikus: «Tirol (argipena)»

Tirol eskualdeko mapa.

Hiri nagusiak Innsbruck, Kufstein, Lienz eta Solbad Hall dira.

Orografia

Alpe mendien erdialdean dago, eta lurralde guztiz menditsua da (Wildspitze mendia da garaiena, 3.774 m). Inn ibaiak zeharkatzen ditu Ipar Tirolgo lurrak eta Drau ibaiak Ekialdeko Tirolgoak. Haran sakon ugari dago Tirolen, eta Inn eta Drau ibaienak dira luzeenak.

Ekonomia

Biztanle gehienak Inn eta Drau ibaien haranetan bizi dira. Nekazaritza garrantzitsua da (behi-azienda, esnekiak). Basogintza eta meatzeak (gatza, kobrea, magnesita). Kimika-, farmazia- eta elektromekanika-industria (Innsbruck). Turismoa guztiz garrantzitsua da (neguko kirolak).

Hizkuntzak

Eskualdean nagusiak diren alemanieraz eta italieraz gainera, ladino-hiztunak ere badira.

Tirolgo hiri nagusiak

	Hiria	Biztanleak
1	AUT Innsbruck	119.584
2	ITA Trento	112.142
3	ITA Bolzano	100.629
4	ITA Rovereto	37.549
5	ITA Merano	36.811
6	ITA Pergine Valsugana	20.122
7	ITA Bresanona	19.786
8	AUT Kufstein	17.080
9	ITA Arco	16.364
10	ITA Laives	16.161
11	ITA Riva del Garda	15.818
12	AUT Telfs	14.479
13	ITA Brunico	14.535

Kanpo estekak

• "Tirolpanorama" (irudiak)
• Tiroleko historia

Ikus, gainera

• Tirol (Austria)
• Bozen-Hego Tirolgo probintzia autonomoa
• Trentoko probintzia autonomoa

Erreferentziak

• Datuak: Q153809
• Multimedia: Tyrol / Q153809

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.