Hirusta zuri

Hirusta zuria (Trifolium repens) Trifolium generoko landare mota bat da, Europan, Iparraldeko Afrikan eta Mendebaldeko Asian hazten dena. Landare lekaduna da, lore zuriak dituena. Animalien elikagai gisa erabiltzeko landatzen da.

Hirusta zuri
Irudi gehiago
Sailkapen zientifikoa
Erreinua	Plantae
Ordena	Fabales
Familia	Fabaceae
Leinua	Trifolieae
Generoa	Trifolium
Espeziea	Trifolium repens L.
Datu orokorrak
Gizakiak ateratzen dizkion produktuak	plant as food (en)

Deskribapena

Hazkuntza moteleko landarea da, 10 eta 20 zentimetro arteko altuera har dezake. Hosto iraunkorra izaten du eta hirusta denez hiru foliolo borobil ditu^[1]. Berdeak dira eta marka zuri bat izaten dute. Ez dute ilerik.

Loreak zurixka izaten dira, batzutan tono arroxa argiak ere izaten dituzte. 1'5-2 cm-ko diametroa duten infloreszentziatan multzokatzen dira. Maiatza eta urria artean loratzen da.

Fruituak oso txikiak dira eta bihotz itxurako 3-4 hazi izaten dituzte barnean.

Garrantzia ekologikoa

Lekariak oso garrantzitsuak dira Rhizobium generoko bakteria batzuekin sinbiosian aireko nitrogenoa nitrato eta nitrato bihurtzen baitute sustraietan eta substantzia horiek dira hain zuzen landarek elikatzeko behar dituztenak.^[2]