Uarakos

Uarakos (^[1]) Vianako La Custodia aztarnategi arkeologikoan aurkitutako brontzezko txanponetan idatzitako izena da^[2][3]. Ikerlarien arabera, iturri klasikoek Varia, Vareia edo Vereia izenarekin jasotzen zuten herriaren berezko izena zen. Ziurrenik, txanpon etxea bertan egongo zen, edo gertu dagoen kastroan, Logroñon dagoen Ciudad de Cantabria izenekoa. Tamaina, pisu, material eta marrazkia ikusita, erromatar As baten balioa zuten.

Uarakos
Historia
Kokapena
Koordenatuak	42°27′49″N 2°24′26″W

Beroien txanpon gehienak K.a. II. mende eta K.a. I. mendeen artean egin ziren, baina txanpon-etxe horren emisioak berantiarragoak dira, K.a. I. mendearen bigarren erdian egin baitziren, Erromatarrek jada beroiak domeinupean zituztenean, eta Sertoriar gerrak pasa eta gero, gutxienez K.a. 82. urtea pasata. I. mendean txanponak egiteari utzi zioten.