Wikilari

Wikilaria Wikipediako editore bat da. Wikipedian euskaraz idazten duten kideek asmatutako neologismo honekin^[1] Euskal Wikipedian edo haren inguruko proiektuetan (wikimedian) lan egiten duten kideei deritze^[2][3][4][5].

Oiartzungo wikilari batzuk elkarrekin editatzeko egindako bilera batean. 2022.

Mundu osoko wikilariak Milafrangan, Lapurdin, 2019ko Korrikan parte hartzeko prest.

Wikilari egoiliar

Aurrekoari lotuta wikilari egoiliarra wikipediako editore bat da, erakunde jakin batean egonaldi bat egiten duena. Egoiliarrak jasotzen dituzten erakundeak kultura eta ondarearen alorrekoak izan ohi dira, bereziki, galeriak, liburutegiak, artxibategiak eta museoak^[6].