Xuban

Xuban Commingesko Arbast aldeko erromatarren garaiko Akitania zaharreko jainkoetako bat da. Ematen duenez bertako mendi bati lotutako jainkoa da. Aldare bat topatu zen berari eskainita Arbasten honako inskripzioarekin: "Xuban Jainkoari. Acan-ek bere botoa bete du bidezkoa den esker onarekin"^[1]. Ez dugu bere ezaugarririk ezagutzen.

Xuban
euskal mitologia eta Akitaniar
Ezaugarriak
Sexua	gizonezkoa

Xuban izena

• Egun Xuban Euskaltzaindiak onartutako euskal mutil-izena da, egun gero eta gehiago erabiltzen dena.

Idazkuna

Esan bezala, Garona Garaian dagoen Arbast/Arbasen XIX. mendean agertu zen aldare batean irakur daiteke. Arbast Lugdunum Convenarum hiriaren lurretan zegoen Antzinaroan, eta inskripzioa K.o. I-III. mendeen artekoa da^[2]. Aldarea Saint-Raymond museoan gordetzen da gaur egur.Idazkunaren testua latinez hau da:

XVBAN

DEO

ACAN

V(otum) S(oluit) L(ibens) M(erito)

Identifikazio kodeak: CIL XIII, 130 (4, 2 or.) = CAG-31-02, 104 or.