From Wikipedia, the free encyclopedia
Un antioxidanti es una molécula capaz e retardal o prevenil la oxidación d'otras moléculas. L'oxidación es una reazión química de transferencia d'electronis e una sustancia a un agenti oxidanti. Las reaziones d'oxidación puen producil radicalis libris que comincian reazionis en cadena que dañan las células. Los antioxidantis terminan estas reazionis quitandu intermeyus del radical libri e inhiben otras reazionis e oxidación oxidándosi ellos mesmus. Debíu a estu es que los antioxidantis son a menú agentis reductoris talis comu tiolis o polifenolis. Los antioxidantis s'encuentran conteníus en el olivu, aju, arroz integral, sidru, coliflor, brócoli, berenjena, jengibri, perejil, cebolla, cítricus, semolina, tomatis, aceiti de semilla de la vid, té, romeru, enti otra hartá sustancias. La capacidá antioxidanti d'argunus frutus, comu es el casu las berenjenas, es mayor duranti los sus estadíus inicialis.[1] Tamién son parti importanti constituyenti la leche materna.
Manqui las reazionis de oxidación son crucialis pa la vida, tamién puen sel perjudicialis; polo tantu las plantas y los animalis mantienin complejus sistemas e múltiplis tipus e antioxidantis, talis comu glutatión, vitamina C, y vitamina E, asín comu enzimas talis comu la catalasa, superóxidu dismutasa y varias peroxidasas. Los nivelis bajus e antioxidantis o la inhibición las enzimas antioxidantis causan estrés oxidativu y puen dañal o arrebanal las células.
El estrés oxidativo ai síu asociau a la patogénesis d'una hartá malotias humanas. Por esta razón la farmacología estudia de forma intensiva el usu d'antioxidantis, particularmenti comu tratamientu pa azidentis cerebrovascularis y malotias neurodegenerativas. Sin embargu, se desconoci si el estrés oxidativu es la causa o la consecuencia de talis malotias. Los antioxidantis tamién son ampliamenti utilizaus com'ingredientes en suplementus dietéticus con l'esperanza de mantenel la salú y de prevenil malotias talis comu'l cancru y la cardiopatía isquémica. Manqui argunus estudius ain sugeríu que los suplementus antioxidantis tien beneficius pa la salú, otrus grandis ensayus clínicus no detectun nenguna ventaja pa las formulacionis probáas y el esceso la suplementación pué llegal a sel dañinu. Además d'estas aplicacionis en melecina los antioxidantis tien una hartá aplicacionis industrialis, talis comu conservantis d'alimentus y cosméticus y la prevención la degradación del cauchu y la gasolina.
L'apoptosis pué sel estimulá por especis reactivas d'oxígenu (ROS) en una jartá tipus celularis.[2][3] Los radicalis libris generaus en la mitocondria puen inhibil uno o más componentis la cadena de transporti d'electronis, y asín aumental la generación e EROs, las cuális puen contribuil a la nacencia d'una dishunción en condicionis d'estrés oxidativu.[4][5][6][7] Publicacionis recientis án guipau que las mitocondrias son la calvi la regulación la apoptosis y la su relación con las EROS.[8][9]
Se piensa qu'el estrés oxidativu contribuyi al desarrollu d'una amplia gama d'enfermedadis incluyendu la enfermedá d'Alzheimer,[10][11] l'enfermedá de Parkinson,[12] las patologías causás pola diabetis,[13][14] la artritis reumatoidi,[15] y neurodegeneración en malotias e las neuronas motoras.[16] En una hartá d'estus casus, no es claru si los oxidantis desencadenan la malotia, o si se producin comu consecuencia d'esta y provocan los síntomas la malotia;[17] com'alternativa plausibli, una malotia neurodegenerativa pué resultal del transporti axonal defectuosu las mitocondrias que realizan reazionis d'oxidación. Un casu en el cual estu encaja es en el particularmenti bien comprendíu papel del estrés oxidativu en las malotias cardiovascularis. Equí, la oxidación e la lipoproteína de baja densidá (LDL) pareci azional el procesu del aterogénesis, que da lugar a la aterosclerosis, y finalmenti a la malotia cardiovascular.[18][19] Del mismo modu, numerosus estudius ain observau qu'el estrés oxidativu promuevi la apoptosis por diferentis vías de señalización.[20]
Una dieta con pocas calorías prolonga la esperanza de vida meya y máxima en una hartá animalis. Este efectu pué implical una reduzión en el estrés oxidativu.[21] Mientras que ai güena evidencia que sustenta el papel del estrés oxidativu en el envejecimientu en organismus modelu talis Drosophila melanogaster y Caenorhabditis elegans,[22][23] l'evidencia en mamíferus es menus clara.[24][25][26] Dietas abundantis en frutas y vegetalis, que posein elevaus nivelis d'antioxidantis, promuevin la salú y reducin los efectos del envejecimientu, no obstanti la suplementación antioxidanti la vitamina no tié nengún efectu perceptibli en el procesu d'envejecimientu, asín que los efectus las frutas y vegetalis puen no estal relacionaus con el su conteníu d'antioxidantis.[27][28]
Una jartá frutas tien propiedadis antioxidantis, comu la cirgüela,[29] el aceiti d'oliva[30] y l'uva.[31]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.