Dineru

Dineru es tó activu o bien generalmenti aceptau comu meyu de pagu polos agentis económicus palos sus intercambius y qu'además cumpli las hunciones e sel unidaá de cuenta y depósitu de valor.^[1] Argunus ejemplus e dineru son: las monedas y los billetis, las tarjetas e débitu, y las transferencias electrónicas, enti otrus.^[2]

Sedi del Bancu Central Uropeu, el que controla la mayor parti las finanzas e la Unión Uropea.

El dineru, tal comu lo conocemus hoy (billetis y monedas sin valor propiu), debi estal avalau o certificau pola entidá emisora. Actualmenti son los gobiernus,^[3] a través e las leyis, quienis determinan cual es el tipu de dineru de cursu legal, pero son otras entidáis, comu los bancus centralis y las casas e la moneda (Ceca), los que s'encargan, primeru, de regulal y controlal la política monetaria d'una economía, y segundu, de crial las monedas y billetis según la demanda y la necesidá de tenel dineru físicu.^[4]

Etimología

El términu «dineru» deriva del nombri d'una moneda romana de plata: el denarius.^[5] Manqui en los paísis de palra hispana «dineru» tié el significau de «moneda corrienti», hue el nombri de diversas monedas utilizás duranti la Edá Meya en España.^[6]