Dubai

Dubai (árabi دبيّ‎) es unu delos sieti emiratus que conforman los Emiratus Árabis Uníus, cuya capital es la ciá omónima.

Dubai
Entidad subnacional
Bandera Escudo
Ubicación de Dubái enos Emiratus Árabis Uníus
Coordenadas	25°15′52″N 55°18′42″E
Capital	Dubái
Entidad	Emirato de los Emiratos Árabes Unidos
• País	Prantilla:Geodatos Emiratus Árabis Unius
Subdivisiones	Localidais
Superficii
• Total	4114 km²
Altol
• Media	11 m s. n. m.
Puebración (2021)
• Total	3825000 hab.
• Densidá	929,75 hab/km²
PIB (nominal)
• Total	USD 117 710 millonis [1]
Prefijo telefónico	+971
Sitio web oficial
[editar datos en Wikidata]

Geografia

Está assitiau ena costa del golfu Pérsicu, nel dessiertu d’Arabia, i limita al sul col emiratu de Abu Dabi, col de Sharjah pol noresti i, a traviés del exclavi de Hatta, col Sultanau de Omán pol suresti i colos emiratus de Ajman pol oesti i Ras al Jaima pol norti. El entranti d’agua salá del golfu Pérsicu denominau Khawr Dubayy atravessa la ciá capital en direción noresti-suroesti.^[2] Tieni una superficii total de 4114 km².^[3]

Estória

Los primerus abitantis del emiratu s’esmecinaban al comérciu de perlas, una atividá ena que basaríen la su economia ata el sigru XX i que lis permitiria tenel relacionis comércialis con China, Índia i Pakistán, prencipalmenti. El su progresu económicu i la estratégica ubicación nel golfu Pérsicu motivó la ambición dotras nacionis pa apoderasi delas sus rutas comercialis. En 1766, Gran Bretaña s’apoderó delas rutas que lis unían col golfu Pérsicu, i dendi entoncis Dubái passó a constituil un protectorau del Gobiernu británicu, situación que prevalecería por casi dos sigrus. Dendi 1833 la dinastia Al Maktum gobierna el emiratu. El destapamientu de petróliu en Dubái, enos añus 1960, supusu un cambiu significativu ena economia i alministración de Dubái. Ena décaa siguienti se formun los Emiratus Árabis Uníus, dun fin a la su relación de dependencia col Reinu Uníu.

El Gobiernu de Dubái se rigi por un sistema de monarquía constitucional, encabeçau pol jequi Mohamed bin Rashid Al Maktum dendi 2006. Dessisti la Municipalidá de Dubái, cuyus objetivus están orientaus ala planificación urbana, los servícius ala ciudadanía i el mantenimientu delos servícius localis. La mayol parti dela puebración que residi nel emiratu es estrangera i provieni mayolmenti del restu del continenti asiáticu. Si bien la economia tuvu un áuguri emportanti a partil del desenvolvimientu dela industria petrolera nel país, los sectoris que generan más ingressus nel emiratu son la construción, el comérciu, el entrepôt —tamién referíu al comérciu praticau nuna çona franca— i los servícius financierus; el enfoqui turísticu tamién es destacabli, en especiál aquel destinau a las compras. Dubái alluga varias construcionis i obras de infraestrutura notabris comu los hotelis de luhu Burj Al Arab i Burj Khalifa —el más artu del mundu, con 828 m d’altura—, los puertus de Mina Rashid i Jebel Ali, i el conjuntu abitacional d'islas artificialis The World i The Palm Islands. La baxa tassa de desemplegu a atraíu a una grando cantidá de estrangerus a mudal-si al emiratu con el pesqui de mjhoris oportunidais laboralis. Sobre la su coltura, puei concluil-si qu'está huerthi influencia pol islam, i la socieá árabi i beduina,lo qual quea reflehau enas normas de etiqueta i vestimenta, la literatura, la gastronomía i el arti.

Etimología

Ante l'escasa documentación dessistenti sobre el desenvolvimientu estóricu delos EAU, no es possibri determinal con certeza la etimología delas distintus regionis que conforman esta federación. La limitá información rehistrá procedi diretamenti del folclori i la tradición oral.^[4] S’assumi que el términu «Dubái» puei provenil tantu del árabi comu del persa^[5] i el su ussu más antiguu data del añu 1095, quandu apareció nun libru del geógrafu hispanoárabi Abdullah bin Abdu Azi al-Bakri Al Andalesi.^[6] Si bien esti nunca visitó la península arábiga, ena su obra recopiló las anécdotas que otrus comerciantis i viaherus li compartierun delas sus viagis a esti territoriu,^[7] que el geógrafu describió solamenti comu «un vastu lugal». Cinco sigrus endispués, en 1587 el comercianti italianu Gaspero Balbi utilizó la denominación «Dibei» i, de horma similar a Al Andalesi, esplicó que se trataba de «un lugal estensu» frecuentau por venecianus que buscabun perlas nel mari. Algunas publicacionis británicas dela décaa de 1820 contienin el términu «Al Wals» pa designal a la región comprendía actualmenti polos barris dubaitis de Jumeirah, Shindagha, Deira i Bur Dubai.

Dessistin varias teorías con respeutu a la etimología de «Dubái». El escrebior Ahmad Mohammad Obaid, especializau nelos distintus dialeutus delos EAU, especuló que provieni de «Daba», parabra que en árabi signífica «cría de langosta», i el qual es un términu populal usau inclusivi nun antíguu proverbiu árabi.^[8] Sín embargu, pal estoriador Faleh Handhal el su verdaderu orihin s’atopa ena parabra «Yadub», que haz alusión al «lugal en el que un ríu se desliza sobre tierra firme», en clara referência a la ría Khawr Dubayy. Otrus coincidin en que la su procedencia es persa i resurti dela combinación delas parabras du —«dos»— i bradr —«hermanu»—, en alusión a dos assentamientus gemelus, mentris que otra esplicación inclui la horma diminutiva dela parabra Daba —«mercau»—, en alusión a la prencipal atividá económica delos sus antíguus abitantis.^[9] Del nombri atual deriva el su gentilíciu, «dubaití».^[10]