Max Weber
From Wikipedia, the free encyclopedia
Remove ads
Maximilian Karl Emil Weber Erfurt, (21 de abril de 1864) -Múnich, (14 de huniu de 1920) jue un sociólogu, economista, jurista, estoriaol i politólogu alemán, considerau unu delos fundaoris del estudiu modernu dela sociología i la administración pública, con un juerti sentii antipositivista.
Inque seya reconociu comu unu delos pairis dela sociología, asina con Karl Marx, Auguste Comte i Émile Durkheim,[1] Weber nunca se vio a sí mesmu comu sociólogu sino como estoriaol;[2] para él, la sociología i la estoria eran dos empresas convergentis. Mas inanti, sobre el final de la su vida en 1920, escribió nuna carta al economista Robert Liefmann: «Si me e convertiu finalmente en sociólogu (porque tal es oficialmenti la mi professión), es sobre tó para exorcizar el fantasma todavía vivu delos concetus colectivus».[3]
Sus trebajos más emportantis se relacionan con la sociología dela religión i el goviernu, inque tamién escribió abondu nel campu dela economía. La su obra más recoñecia es el ensayu La ética protestante y el espíritu del capitalismo (1905), que jue el prencipiu dun trabajo sobre la sociología dela religión.[4] La recopilación Economía i sociedá, publicá póstumamenti entri 1921 i 1922, es la suma más completa i sistemática de las sus ideas i concetus.
Weber argumentó que la religión jue unu delos aspetus más emportantis que influyun nel desenvolvimentu delas culturas ocidental i oriental. Notra de las sus obras famosas, La política como vocación (1919), Weber definió el Estau comu una entiá qu'ostenta el monopoliu dela violencia legítima i los medios de coación, una definición que jue fundamental nel estudio dela ciencia política moerna en Ocidente.[5][6][7]
Remove ads
Referencias
Wikiwand - on
Seamless Wikipedia browsing. On steroids.
Remove ads