Praia

Praia (Prantilla:AFI-pt lit. "Praia") es la capital i ciá más puebrá dela Repúbrica de Cabu Verdi. Se alcuentra assitiau nel munecipiu del mesmu nombri. ^[1][2][3]

Praia
Entidad subnacional
Bandera Escudo
Prantilla:Mapa de localización Localización de Praia en Cabu Verdi
Ubicación de Praia
Coordenadas	14°55′04″N 23°30′33″O
Entidad	Ciá y Gran cidá
• País	Prantilla:Geodatos Cabu Verdi
Superficii
• Total	102,6 km²
Altol
• Media	1 m s. n. m.
Puebración (2021)
• Total	159050 hab.
• Densidá	1550,19 hab/km²
Huso horario	UTC−01:00
Código postal	7600
Prefijo telefónico	260, 261, 262, 263 y 264
y https://lojacmp.com/ Sitio web oficial
[editar datos en Wikidata]

La ciá está localizá ena Isla de Santiagu, i es la capital del munecipiu del su nombri. Cuenta cuna puebración que supera los 130 000 abitantis. La ciá contava en 1990 con 61 644 abitantis.

La ciá tien un puertu comercial, que esporta café, caña d’açúcal i frutas tropicalis. Tien tamién una emportanti endústria pescaera.

Estoria

La ciá de Praia surgió en 1615, quandu se formó l’assentamientu alreol duna pranici cerca ala praia de Santa María, qu’ufrecía güenas condicionis palos barcus. Al prencepiu era gastau comu puertu clandestinu pa no tenel que pagal las tassas aduaneras dela capital dela época, Ribeira Grandi. La localidá fue al pocu a pocu adquieriendu la categoría de villa sigún diva aportandu puebración dendi l’antiga capital. Praia passó a sel la capital del país en 1770.

Alo largu dela estoria dessistun varias propuestas de cambial la capital a Mindelu duranti el sigru XIX, inque las almenistracionis portuguesas nunca amostrun enterés. A través dun decretu de 1858 s’elevó l’estatutu de villa a ciá estableciendu-si rondamenti comu capital del país.^[4]

Geugrafía física

Localización

Se localiça ena çona sul dela Isla de Santiagu i raya pol norti col munecipiu de São Domingos, pol oesti col de Ribeira Grandi de Santiagu i col Océanu Atlánticu pol esti i pol sul.

Orugrafía

Geugraficamenti Praia pue sel descritu comu un conjuntu de pranicis colos sus respetivus vallis que l’arroean, essas pranicis son llamás Achadas (Achá de Santu Antóniu, Achá de São Felipi, Achá Eugéniu Lima, Achá Grandi, son angunus barrus assitiaus en essas pranicis).

Climi

Praia tien un climi desérticu (Köppen: BWh) cuna estación lluviusa corta i una estación seca larga i abondu marcá. De hechu, fueraparti delos mesis d’abostu, setiembri i otubri, ena Praia caen abondu pocus chivarrus. La ciá arrecii una meya de 210 milímetrus de lluvia al añu. Vistu qu’el mes más fríu está abondu pol enzima delos 18 °C, los sus patronis de temperatura s’assemejan a un climi tropical, i l’hazi de bastantis chivarrus pa sel crassificaus comu talis. Inque tien un climi áriu, ena Praia quase apenas s’esperimentan temperaturas estremas, debíu ala su assitiación unta al mari ena ísula de Santiagu. Las temperaturas son cálias i constantis, cuna temperatura meya mássima de 27 °C i una temperatura meya ménima de 22 °C.

Parámetrus climáticus de Praia, Cabu Verdi

	Eneru	Hebreru	Marçu	Abril	Mayu	Juñu	Júliu	Abostu	Setiembri	Otubri	Noviembri	Diciembri	Añu
Mássima Estórica (°C)	32.2	32.2	32.8	33.9	37.2	35	32.8	32.8	36.1	35	32.2	30.6	37.2
Mássima Meya (°C)	25	25	25.6	26.1	27.2	27.8	28.3	28.9	28.9	29.4	27.8	26.1	27.2
Meya (°C)	22.5	22.2	22.8	23.3	24.2	24.5	26.1	26.7	27	26.9	25.6	23.9	24.6
Ménima Meya (°C)	20	19.4	20	20.6	21.1	21.1	23.9	24.4	25	24.4	23.3	21.7	22.1
Ménima Estórica (°C)	17.2	13.3	16.7	17.2	16.1	18.9	18.9	20	21.1	20	20	17.8	13.3
Lluvia (mm)	2.5	1.3	1	2.3	0	1	13.2	99.3	29	47.5	7.9	4.6	209.6
Días de Lluvia (>= 0.1 mm)	1	0	0	0	0	0	1	8	7	3	1	1
Oras de Sol	217	226	279	300	310	275	219	188	219	248	244	215	2920

Huentis

• Sistema de Crassificación Bioclimática Mundial^[5]
• BBC Weather^[6]

Fecha: Abostu 2010 Huentis

• Sistema de Crassificación Bioclimática Mundial^[5]
• BBC Weather^[6]

Fecha: Abostu 2010

Demugrafía

Gráfica demugráfica dela ciá de Praia:

Evulución demugráfica de Praia

Añu	Puebración
1980	37.676
1990	61.644
2010	127.832
2021	137.868

Monumentus i lugaris d’enterés

Siendu la capital del país, la ciá cuenta col barriu de Platô o Plateau, assitiau nun promontoriu a orillas del océanu, aondi s’alcuentran los edificius púbricus i otras costrucionis d’emportancia, comu el Palaciu Presiencial, cosntruíu a finalis del sigru XIX pa servil de residéncia al gobernaol portugués, ya que Cabu Verdi era una colónia portuguesa. Cuenta entavía col Antiguu Ayuntamientu (Câmara Municipal), edificiu cuna fachada crássica i una torri central quadrá. Tamién destaca l’ilesia dela Muestra Señora dela Graça (Igreja Nossa Senhora da Graça en portugués), d’estilu neocrássicu, el Muséu Etunugráficu i el Monumentu de Diogu Gómis, naveganti portugués i destapaol dela isla de Santiagu en 1460.

A 15 quilómetrus al oesti de Praia, ena costa, s’alcuentra la Ciá Vella (Ciá Vieja), la que fue la primel capital de Cabu Verdi. A unos 60 quilómetrus al norti s’alcuentra la ciá de Assomada, col su concurriu mercau i el muséu dela Tabanka. Al norti dela isla de Santiagu s’alcuentra Tarrafal colos sus praias turísticas. Otras localidáis cercanas son Portu Gouveia, Portu Mosquitu i Santa Ana.

El puertu de Praia en 1806, pintura de Barrow.

Ilesia dela Ñuestra Señora dela Graça (Nossa Senhora da Graça).

Monumentu al esploraol portugués Diogu Gómis.

Hundaeru Amílcal Cabral.

Vista dendi el espaciu dela costa de Praia.

Aeropuertu Enternacional de Praia.

Palaciu Presiencial de Cabu Verdi.

Transportis

Conessionis

Transporti aéreu

Al esti dela ciá s’alcuentra l’Aeropuertu Enternacional Nelson Mandela, qu’uni ala capital con abondu delas ísulas del país i tamién con destinus enternacionalis d’África, América i Uropa.

Transporti marítimu

La ciá disponi del segundu puertu más emportanti del país. Fue cosntruíu en 1962, i ampliau enos añus 1986 i 2014. Tien 5 muellis d’atraqui i un muelli pa barcus de pesca cuna uniá de tratamientu de pescal. Disponi duna terminal de passagerus, i una çona d’almacenamientu de contenioris.^[7]

Transporti urbanu

Autobusis

Dessistin 11 línias d’autobusis urbanus que recorrin tolos barrus dela ciá.

Línea	Barrus	Concessionária
	São Felipi – Plateau - Achá Santu Antóniu	Solatlântico
	Ponta d’Água - Plateau - Achá Santu Antóniu	Solatlântico
	Plateau – Aeropuertu	Solatlântico
	Achá Matu – Plateau - Meyu d’Achá	Solatlântico
	Palmareju - Plateau – Achá Grandi	Solatlântico
	Plateau – Puertu dela Praia	Solatlântico
	São Felipi – Plateau - Achá Santu Antóniu	Solatlântico
	Palmareju – Plateau – Eugéniu Lima
	Terra Branca – Plateau – Pensamientu
	São Felipi – Plateau - Achá Santu Antóniu
	São Pedru – Rotonda terra Branca – Sucupira – Uni-Piaget – Ciadela
	Gamboa – Ponti Vili Nova
	Lém-Herreiras – Rotonda Terra Branca

Taxis

Disponi ábatin de unus 1000 taxis que dan servíciu ala ciá

Otrus

Pa movel-si a otras puebracionis es abondu avitual d’hacel-lu en Hiace, que son hurgonetas privás. La mayol parti salin dela çona de Sucupira i los que van ala Ciá Veli, dendi la Rotonda de Terra Branca.

Servícius púbricus

Sanidá

La ciá de Praia disponi dun espital llamau Agostinhu Netu, assitiau nel barriu de Plateau. Da servíciu tantu ala ciá comu a otras localidáis dela ísula de Santiagu. Tien cincu centrus de salú comu los delos barrus d’Achá de Santu Antóniu, Tira Chapéu, Ponta d’Água, Achá Grandi i Achadinha.

Organizacion territorial

Barrus i lugaris

La ciá agarra los lugaris i barrus de:

Achá Eugéniu Lima

Achá Grandi Frenti

Achá Grandi Trás

Achá Limpu

Achá Matu

Achá Palra de Se

Achá Santu Antóniu

Achá São Felipi

Achadinha

Achadinha Piris

Agostinhu Álvis

Água Hunda

Barriu Craveiru Lopis

Beli Vista

Bon Coy Sul

Cayá

Calabaceira

Cambujani

Chá d’Areia Encuesta Asa

Chá d’Areia Tahíti

Chá de Poeira

Ciadela Cova Miñotu

Coqueiru Castelhón

Covón Mendis

Hazienda

Feg. d’Água

Gonçalu Afonsu

Juán Bon (Djamban)

Lim Chamorru

Lim Días

Lim Herreiras

Matón

Monti Gonçalu Afonsu

Monti Ílheu

Monti Pensamientu

Monti Vaca

Monti Vermellu

Monteagarru

Payol

Palmareju

Palmareju Grandi

Palmareju Santiagu Golf Resort

Pedregal

Pensamientu

Piçarra

Plató

Ponta d’Água

Ponta del Sol

Porteti de Cima

Praia Negra

Prayiña

Quebra Canela

Ribeira São Felipi

Ribeiriña

Safenti

São Franciscu

São Franciscu de Baxu

São Jorgiñu

São Martiñu Pequeñu

São Pedru Latá

São Tomé

Sarráu

Simón Ribeiru

Terra Branca

Tira Chapéu

Tira Chapéu Endustrial

Trinidá

Vali Palmareju

Várzea

Veneça

Vera Crú

Vili Nova

Çona del Aeropuertu

Çona Enavi

Urbanismu

Achá Grandi Frenti. Barriu assitiau entri el puertu i l’aeropuertu, disponi duna çona endustrial i tamién çona d’ociu aondi s’alcuentran angunas discotecas.

Achá Santu Antóniu. Barriu col su diseñu de callis en horma ortogonal, nellu s’alcuentran la mayol parti delas embaxás amás dela Assambrea Nacional.

Achá São Felipi. Barriu assitiau nel norti dela ciá i es la parti alta dela ciá, s’alcuentra enas ahuéras.

Ciadela Cova Miñotu. El barriu más lujosu, nellu s’alcuentran los chalets más valoraus.

Palmareju. Barriu costiuíu polas viviendas en bloquis, nellu s’alcuentran abondu delas oficinas delas prencipalis pressas dela ciá.

Plató. Es la çona antiga dela ciá, nellu s’alcuentran los edificius estoricus comu el palaciu presiencial, la cámara munecipal, el palaciu de justícia, abondus menistérius, tamién s’assienta nel barriu el mercau aondi se puein mercal tol tipu d’alimentus.

Prayiña. Es la çona aondi s’alcuentran los otelis dela ciá.

Quebra Canela. Barriu assitiau ena praia del su mesmu nombri, allí s’assitía la çona d’ociu entri los que destacan varius restaurantis i el centru comercial Praia Shopping.

Terra Branca. Barriu residencial compuestu polas viviendas enhormi de casa.

Tira Chapéu. Barriu de crecimientu desordeu, aondi las casas án siu cosntruías polos dueñus delas mesmas.

Várzea. Barriu assitiau ena parti baxa dela ciá, nel que s’alcuentran los recintus deportivus del pabellón Vavá Duarti i estadiu de Várzea, tamién disponi delos dos edificius más altus dela ciá, el palaciu de gobielnu i el cementériu.

Médius de comunicacion

La ciá cuenta con angunus médius de comunicacion comu Praia FM, Radiu Praia, la primel emmissora de radiu de Cabu Verdi, i RTC, la emmissora de radiu de Cabu Verdi. Tamién cuenta cuna emmissora dela telivisión de Cabu Verdi.

Coltura

Farol de D. María Pía.

Dessisti el Muséu Etunugráficu, hundau en 1997. Angunus delos edificius más antiguus de Praia son el Quartel Jaimi Mota (Quartel Jaime Mota) que data de 1826. Dendi 2016, el centru estoricu de Praia está ena lísta tentativ’ de Patrimoñu dela Umanidá.^[8]

Patrimoñu coltural enmaterial

Festiviais

El 19 de mayu se celebra el Festivál de Gamboa. El 15 d’abostu es la festivá dela Muestra Señora de Graça.

Deporti

Entalacionis deportivus

Disponi de varius estadius de fubu, el estadiu Nacional de Cabu Verdi, aondi juega los sus partidus la seleción de fubu de Cabu Verdi, el estadiu de Várzea, en que se despútan los partidus del campeonatu regional de fubu, otrus campus son el de Sucupira, Calabaceira, Achá Santu Antóniu, Ponta d’Água, Achá Grandi Frenti^[9] i el Compleju Deportivu Adega.

Otras entalacionis son el pabellón deportivu Vavá Duarti i el polideportivu Eugéniu Lima en que se despútan entri otras modalidáis partidus de balcestu i balón-man, los campus de tenis de Várzea.

Entidáis deportivus

La ciá de Praia es la sedi de varius equipus de fubu de Cabu Verdi, entri los que destacan el Sporting Clube da Praia, Boavista, el CD Travadores i el Académica da Praia.

Entri los equipus de balcestu, destacan el ABC Praia i el Barriu.

En balón-man masculinu, está el ABC Praia, Deportivu dela Praia, i ena secion femenia El ABC Praia, Seven Stars.

Ciais germanás

Prantilla:Lísta de columnas