Provincia de Soria

Sória es una província assitiá nel centru d'España, ena parti esti la comunidá utónoma de Castilla i León.

Provincia de Soria
Entidad subnacional
Bandera Escudo
Ubicación de Provincia de Soria
Coordenadas	41°40′00″N 2°40′00″O
Capital	Sória
Entidad	Provincias d'España
• País	España
Superficii
• Total	10 303 km²
Puebración (2024)
• Total	90150 hab.
• Densidá	8,75 hab/km²
Huso horario	UTC+01:00
Código postal	42[1]
Sitio web oficial
[editar datos en Wikidata]

Arraya colas províncias de La Rioja, Çaragoça, Guadalajara, Segovia i Burgus. La su superfici es de 10.287 qm².

Sória es la província española menus puebrá, con una densiá s'alreol los 9 abitantis/qm²: una las minoris la Uñón Uropea. La puebración total la província es de 93.503 ab. (2006), de los cualis el 40% vivin ena capital, Sória.

La província tien 183 monecipius, delos qualis cerca la metá son puebrus con menus de 100 vizinus, solu 12 dellus tienin mas de 1.000 abitantis i solu Almazán, El Burgo de Osma-Ciudad de Osma, i Sória capital superan los 5.000 abitantis.

Se deferéncian nella dos grandis comarcas: la Tierra de Ágreda, con capital en Ágreda, al esti arrayandu con Aragón i presiia pol Moncayo, zona e güertas i esboçus, i la Meseta Soriana, tierra e cerealis i remolacha ena vega e Dueru.

Es mestel resartal la zona norti, enos arrayus con La Rioja, zona probi i escabriosa, inque con emportantis recursus d'initas, i la Zona de Pinares, onde están assitiaus los Picos de Urbión, lugal de nacéncia el Dueru i la mítica Laguna Negra, que sirvió d'ispiración a Antonio Machado pal su puema La tierra de Alvar González.

Gastrunomia

• Mantequilla de Soria, mantequilla con denominación d'orihin conseguia pol pasteuriçación de nata proceenti de lechi e vaca, de raças frisona, parda alpina u e crucis entri sí, d'esplotacionis lecheras la província e Sória, hundamentalmenti e la zona d'El Valle.
• Las Migas Pastorilis

Recursus del susuelu

Enos puebrus de Villarijo i Yanguas, al norti la província, furrulaban dos balneárius. En Santa Cruz de Yanguas se trataba carbón.

Comarcas

Los 183 municipius sorianus s'alcuentran asiahaus en sieti comarcas:

• Comarca de Pinares
• Tierras Altas (Sória)
• Tierras del Burgo
• Comarca de Soria
• Campo de Gómara
• Comarca de Almazán
• Tierra de Medinaceli

Municipius emportantis

• Almazán (5.727 ab)
• El Burgo de Osma (5.055 ab)
• Ólvega (3.484 ab)
• San Esteban de Gormaz (3.263 ab)
• Ágreda (3.212 ab)
• San Leonardo de Yagüe (2.294 ab)
• Covaleda (1.992 ab)
• Arcos de Jalón (1.863 ab)
• Golmayo (1.527 ab)
• Duruelo de la Sierra (1.473 ab)
• Berlanga de Duero (1.080 ab)