Kristina Elin Thomsen

Kristina Elin Thomsen (fødd 1998, úr Hvalba) er føroyskur svimjari, sum svimur fyri Susvim. Enn er hon ov ung at svimja fyri Føroyar, (hetta er skrivað í mai 2012). Í 2012 gjørdist hon føroyameistari (fyri vaksin) í 50 metrar firvald,^[1] í 200 metrum firvald^[2] og í 100 metrum firvald.^[3]

Lívsleið innan svimjing

FM 2013 í svimjing

Kristina Elin luttók á FM í svimjing 2013, har hon vann fleiri heiðursmerki og setti føroyskt juniormet í 200 firvald við tíðini 2:25.26 minuttir.

• Gull í 100 m firvald við tíðini 1:03.63^[4]
• Gull í 4 x 50 m frí við tíðini 1:47.15, sum var nýtt føroyskt met. Hinar 3 vóru: Guðrun Mortensen, Shaila millum Garðarnar og Tanja Skaalum^[5]
• Silvur í 200 m firvald við tíðini 2:25.26, sum var føroyskt juniormet, vinnarinPoula Ø. Mohr setti nýtt føroyskt seniormet við tíðini 2:23.25 og tók harvið metið sum Elin Kristina setti í 2012.^[6]
• Silvur í 100 m rygg við tíðini 1:03.88, kravtíðin til EJM fyri gentur føddar í 98 er 1.05.34.^[7]
• Silvur í 4 x 100 m frí við tíðini 3:57.26, tíðin var undir føroyska metið, men Ægir kvinnurnar/genturnar svumu uppaftur skjótari og settu nýtt føroyskt met.^[8]
• Silvur í 4 x 100 m blandað við tíðini 4:26.34, tíðin var undir føroyska metið, men Ægir kvinnurnar/genturnar svumu uppaftur skjótari og settu nýtt føroyskt met.^[9]

2012 - Setti føroysk senior met sum 13-ára gomul

Kristina Elin Thomsen hevur sett fýra føroysk senior met (sum sjálvandi eisini eru junior met) innan firvaldasvimjing. Á Ægirstevnuni í Klaksvík í februar 2012 setti hon met í 100 og 200 metrum firvald, og á Føroyameistarastevnuni í Havn í mai 2012 setti hon eisini met í 50 metrar firvald.

• 50 metar firvald á stuttbana við tíðini 27.67, metið setti hon 11. mai 2012
• 100 metar firvald á stuttbana við tíðini 1:03.44, metið setti hon 12. februar 2012
• 200 metar firvald á stuttbana við tíðini 2:25.36, metið setti hon 11. februar 2012
• 4x50 metrar frí við tíðini 1:47.37, metið setti hon saman við Guðrun Mortensen, Helena S. Sævarsdóttir og Shaila millum Garðarnar á Føroyameistarastevnuni í Havn 13. mai 2012

Ársins svimjari og ársins stjørnuskot 2012

Eftir føroyameistarastevnuna 2012 í Havn varð Kristina Elin Thomsen kosin Ársins Stjørnuskot og Ársins Svimjari.^[10]

• 2012 - Ársins Svimjari
• 2012 - Ársins Stjørnuskot