Liyon
comuna francêse et arpitana de la mètropola de Liyon (ch·èf-luè) From Wikipedia, the free encyclopedia
Remove ads
Liyon[N 1],[V 5] [li.ˈjɔ̃][N 2],[2],[3],[4],[5],[6],[7],[8],[9],[10],[V 6] (Lyon [ljɔ̃][11] ou ben [li.ɔ̃] (Acutâd)[12] en francês) est na comuna[V 7] francêse[V 8] et arpitana[V 9], que sè trôve dens lo quârt sud-èste de la France, u confolent[V 10] du Rôno et de la Sona. Sièjo[V 11] du consèly de la mètropola de Liyon[N 3],[V 12], que son statut particuliér lyé balye a la vês[V 13] les atribucions d’una mètropola et d’un dèpartament, el’est[V 14] étot lo ch·èf-luè de l’arrondissement de Liyon, celi de la circonscripcion dèpartamentâla du Rôno et celi de la règ·ion Ôvèrgne-Rôno-Ârpes, et pués la vielye capitâla du Liyonês.
 |
Cél articllo est ècrit en arpitan[V 1] liyonês / ORB lârge. |  |
Por los articllos homonimos, vêde Liyon.
La comuna at na situacion de trêvo g·eografico du payis, a bise du colidor naturâl du Rôno que côrt depués Liyon jusqu’a[V 15] Marselye. Placiê[V 16] entre-mié lo Massis centrâl u sêr[V 17] et lo massis arpenc u matin[V 18], la vila[V 19] de Liyon ocupe na posicion stratègica dedens la circulacion bise-mié-jorn en Eropa. Vielye capitâla de les Gôles du temps de l’Empiro romen, el’est lo sièjo d’un arcevèchiê que lo titulèro pôrte lo titro de primat de les Gôles. Liyon vint na vila bien comèrçanta et un endrêt financiér de pèrmiér[V 20] ôrdre a la Renèssence. Sa prospèritât èconomica est étâ[V 21] portâ[V 22] yena aprés l’ôtra[V 23] per la sèya, pués per l’aparicion de les endustries notament dus[V 24] linjos, ch·imiques et, més dèrriérement, per l’endustria de l’émâge.
Liyon, historicament vila endustriâla, at reçu u mié-jorn de la vila tot plen d’activitâts pètroch·imiques lo long du Rôno, dedens cen qu’apèlont lo colidor de la ch·imie. Aprés lo dèpârt et la fèrmetura de les endustries dus linjos, ele[V 25] s’est a châ pou recentrâ[V 26] sus los sèctors d’activitât de tècniques de pouenta, tâles que la farmacie et les biotècnologies. O-v est[V 27] arriér-més la seconda vila ètudienta de France, avouéc quatro univèrsitâts et plusiors grandes ècoules[V 28]. Enfin, la vila at consèrvâ un patrimouèno arch·itècturâl important que vat depués los temps romens jusqu’u XXémo siècllo en passent per la Renèssence et pués, a çu[V 29] titro, los quartiérs du Viely Liyon[13], de la colena de Forviéro[14], de la Présqu’ila[15] et de les bârmes de la Crouèx-Rossa[16] sont enscrits sus la lista du patrimouèno mondiâl de l’UNÈSCÔ.
Per sa populacion, Liyon constitue la trêsiéma comuna de France, avouéc 518 635 habitents u dèrriér recensement de 2018. El’est lo bôrg de la 2nda agllomèracion (1 669 730 habitents en 2018) et du 2nd suer d’atraccion[V 30] (2 259 411 habitents en 2018) de France. El’est la prèfèctura du dèpartament du Rôno, de la règ·ion Ôvèrgne-Rôno-Ârpes, de la zona de dèfensa et de sècuritât Sud-Èste et pués lo sièjo de la mètropola de Liyon, que rassemble 59 comunes et 1 398 892 habitents en 2018[17]. La vila de Liyon ègzèrce n’atractivitât d’importance nacionâla et eropèèna. Son importance dedens los domênos culturâls, banquèros, financiérs, comèrciâls, tècnologicos, farmaçuticos, ou encor[V 31] los ârts et los amusaments fant de ceta na vila mondiâla de rang « Bètâ- » d’aprés lo cllassement GaWC en 2020, comparâblo a Manchester, Sant-Pètersbôrg ou ben Stuttgart[18]. O-v est étot lo sièjo d’Entèrpol depués 1989.
Los habitents de la vila sont apelâs los Liyonês [lu li.jɔ.ˈnɛ] et les Liyonêses [lə li.jɔ.ˈneː.zə][N 4],[9],[V 32].
Remove ads
G·eografia
Histouère
- 1529 : Granda Rebêna
- 1793 : Comuna-Afranchia
Transpôrts
Administracion et politica
Liyon est divisâ en nôf arrondissements municipâls.
Èconomia
Èducacion et cultura
Cultura
- Téâtro de Guignole
- Opèra de Liyon
Ensègnament
Patrimouèno
- Basilica Noutra-Dama de Forviéro
- Châtél de Piérr’Encisa
Liyonês bien cognus
- Josèt Fesch, arcevèco et primat de Liyon ;
- César Geoffray, musicien
- Louis Lumière, entrepregnor, enventior du filmo ;
- Jâque Spon, mèdecin et arquèologo ;
- Renê Tavèrniér, poèto francês.
Vêre étot
Bibliografia
Liems de defôr
Notes et rèferences
Wikiwand - on
Seamless Wikipedia browsing. On steroids.
Remove ads