Det Sjineesk Republiik Taiwan (sjineesk中華民國,PinyinZhōnghuá Mínguó, IPA (huuchsjineesk) [ʈ͡ʂʊ́ŋxu̯ɑ̌ mǐnku̯ɔ̌]) woort uk Republiik Sjiina üüb Taiwan (ROC) näämd an as en lun uun Uastaasien. Di gratst dial maaget det eilun Taiwan ütj, man diar hiar uk noch en hiale rä letjer eilunen tu. Diar lewe amanbi 23,3 miljuun minsken.[3]
Efter at rewolutsioon faan 1911 ging det Qing-Dünastii oner, an a 1. Janewoore 1912 wurd det Republiik Sjiina ütjrepen. Hör iarst president wiar Sun Yat-sen, man hi küd sin määcht ei hual, an so wooks diar regiunaal määchten ap, diar ööder föörstelangen hed.
Faan 1926 bit 1949 wiar diar flook bürgerkriigen, diar tuleetst faan't Fulksbefreiangsarmee wonen wurd. An hat hää det Fulksrepubliik Sjiina ütjrepen, di iarst uunfeerer wiar Mao Zedong.
At Republiik Sjiina of uk Natsionaalsjiina wurd muar of maner apliaset, hat küd ham bluas noch üüb det eilun Taiwan hual. At Fulksrepubliik Sjiina sjocht Taiwan üs dial faan't Fulksrepubliik uun, man Taiwan sjocht ham salew üs suwereenen stoot. Didiar konflikt as bit daalang noch ei apliaset.
Tekst üüb Öömrang
.svg)
_-_de_-_colored.svg)
.svg)