Weel

En weel as en küül, huar bi en sturemflud ans en dik breegen as. Son weel as miast trinj üs en kreis an temelk jip. Huarööders sait am diar "Brack" tu.

Didiar artiikel meent dit Weeter, wan di Dik breeken wesen es. Luki uk bi Weelen

"Weel" uun ööder spriakwiisen

Sölring  Öömrang  Fering  Halunder  Halifreesk  Mooring  Wiringhiirder  Karhiirder  Gooshiirder

Tekst üüb Öömrang

Weel uun Friedrichsgabekoog uun Dithmarschen.

En hualewmuun-weel uun Krummhörn, huar en neien dik trinjam baud wurden as.

Hü det komt

Wan en dik bräächt, speelt det siaweeder diarbääft en grat hool iinuun a grünj. An a minsken hed ei so föl materiol, am det hool weder aptufalen, diaram haa's miast en neien dik trinjam det weel baud. Son stak diks het flooksis hualewmuun.

Tuiarst as uun en weel saaltweeder, man leeder woort det tuup mä grünjweeder sweter, an do sait am diar brakweeder tu. Uk uun't ingelsk käänt am det wurd brackish water.

Föörkemen

Weelen jaft at ei bluas bi a Nuurdsiaküst, man uk bi struumer. Loongs a Ialew jaft at flook Bracks, bit widj ap efter Hamborag an noch widjer a Ialew huuch.

Tu efterleesen

• Peter Wieland: Küstenfibel. Heide, 1990, Boyens & Co
• Werner Prange: Geologisch-historische Untersuchungen an Deichbrüchen des 15. Bis 17. Jahrhunderts in Nordfriesland. Uun: Nordfriesisches Jahrbuch, 1972, Bredstedt/Bräist, Nordfriisk Instituut

Luke uk diar

 Commonskategorii: Weelen – Saamlang faan bilen of filmer

• Auer weelen bi: www.geschichte-s-h.de