Wikipedia

Wikipedia [vɪkiˈpeːdia] as en weltwidj projekt mä di san, en frei ensiklopedii üüb a bian tu stelen. Diarför woort det software 'MediaWiki' brükt.

Tekst üüb Öömrang

Wikipedia kääntiaken

Wikimedia Stiftang

Ales, wat diar banen stäänt, woort faan freiwalagen skrewen an pleeget. Jo fu diar nian jil för. Diaram as en artiikel uk nimer 'klaar'. Arken koon ham widjer skriiw, ferbeedre, of uk ans wat strik. Bit 2024 jääw't son 60 miljoon artiikler uun muar üs 330 spriak wersioonen, an ian diarfaan as Nordfriisk mä gud 20.000 artiikler. Aal a artiikler wurd iindiald tu 'kategoriin', amdat dönen, wat tuup hiar, beeder fünjen wurd kön.

At Wikipedia woort faan't 'Wikimedia Foundation' (WMF) bedrewen. Det as en stiftang, diar uun San Francisco (USA) sat. An hat lewet faan freiwalag bidracher. Uun flook lunen jaft'at uk noch Wikimedia ferianer, diar det stiftang tuwerke, uun Sjiisklun het di ferian 'Wikimedia Deutschland' (WMDE).

Wikipedia as a 15. Janewoore 2001 grünjlaanj wurden, an hiart daalang weltwidj tu a miast besoocht wääbsteeden.

Luke uk diar

 Commonskategorii: Wikipedia – Saamlang faan bilen of filmer

• Wikipedia:Auer
• Artiikel üüb't sjiisk Wikipedia auer Wikipedia.