From Wikipedia, the free encyclopedia
De Biënnale fan Feneesje, oftewol de 'Twajierlikse fan Feneesje' (Italjaansk: Biennale di Venenzia), is in festival op it mêd fan keunst dy't om it jier holden wurdt yn 'e Italjaanske stêd Feneesje. De earste edysje fan it evenemint datearret fan 1895 en waard organisearre troch de gemeenteried fan Feneesje. De hjoeddeistige organisaasje efter it festival, oprjochte yn 1928, neamde himsels yn 2009 om ta de Stifting De Biënnale fan Feneesje (Italjaansk: Fondazione La Biennale di Venezia). It festival fynt yn 'e ienentweintichste iuw plak yn ûneven jierren.
Biënnale fan Feneesje Biennale di Venezia | ||
plak en tiid | ||
lân | Itaalje | |
aut. regio | Feneto | |
metrop. stêd | Feneesje | |
plak | Feneesje | |
holden yn | Giardini | |
tiid fan it jier | augustus/septimber | |
bysûnderheden | ||
soarte evenemint | kultureel | |
bestean | 1895 – no | |
oprjochter | gemeenteried fan Feneesje | |
org. troch | St. De Biënnale fan Feneesje | |
offisjele webside | ||
www.labiennale.org |
De Biënnale wurdt holden yn 'e Giardini, in park yn Feneesje (de namme betsjut letterlik: "Tunen"). It sintrum fan it keunstfestival is dêr in grutte tentoanstellingsseal. Dêromhinne binne tritich permaninte nasjonale paviljoenen boud, dy't eigendom binne fan 'e dielnimmende lannen en op 'e noed binne fan 'e respektivelike ministearjes fan Kultuer. Lannen dy't net eigner binne fan ien fan 'e paviljoenen krije de gelegenheid om harren keunst te eksposearjen yn museä en keunstgaleryen ferspraat oer hiel Feneesje. Yn 2017 diene der 97 lannen mei oan 'e Biënnale fan Feneesje.
De Stifting De Biënnale fan Feneesje organisearret njonken de eigentlike Biënnale ferskate eveneminten dy't har rjochtsje op oare keunstfoarmen:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.