Ministearje fan Lânbou, Fiskerij, Itenswissigens en Natuer

It Ministearje fan Lânbou, Fiskerij, Itenswissigens en Natuer (Nederlânsk: Ministerie van Landbouw, Visserij, Voedselzekerheid en Natuur, ôfkoarte ta LVVN) wie fan 1935 oant 2010 en sûnt 2017 fannijs in Nederlânsk ministearje mei it mêd fan belied oer lânbou, natuerbehear, boskbou, fiskerij, en fiedsel. Ek it lânbou-ûnderwiis foel lange tiid ûnder it ministearje, sa as de agraryske beropsopliedings en de WUR. It agrarysk ûnderwiis is sûnt 2017 ûnderbrocht by it Ministearje fan Underwiis, Kultuer en Wittenskip (OCW). Fan 2017 oant 2024 hiet it departemint offisjeel fan ministearje fan Lânbou, Natoer en Itenskwaliteit (Ministerie van Landbouw, Natuur en Voedselkwaliteit).

Ministearje fan Lânbou, Natuer en Fiedselkwaliteit LNV
algemien
lân	Nederlân
adres	Bezuidenhoutseweg 73 De Haach
skiednis
oprjochting	1935
funksjehâlders
minister	Piet Adema Christianne van der Wal (sûnder portefúlje)
sekretaris-generaal	Jan-Kees Goet
offisjele webside
https://www.rijksoverheid.nl/ministeries/ministerie-van-landbouw-natuur-en-voedselkwaliteit Ministearje fan Lânbou, Natuer en Fiedselkwaliteit

Skiednis

It ministearje fan LNV bestie sûnt 1935 as selsstannige oerheidsynstânsje, doetiids ûnder de namme "Ministearje fan Lânbou en Fiskerij" (Ministerie van Landbouw en Visserij). Foar 1935 wie it lânbou- en fiskerijbelied ûnderbrocht by oare ministearjes, ynearsten by Ynlânske Saken en doe letter by it doetiidske ministearje fan Wettersteat, Hannel, en Niverheid (Ministerie van Waterstaat, Handel en Nijverheid). Tusken 1945 en 1959 krige it ministearje in wichige rôl yn it foarsjen fan fiedsel, itjinge de namme fan it ministearje waard: Ministearje fan Lânbou, Fiskerij, en Fiedselfoarsjenning (Ministerie van Landbouw, Visserij en Voedselvoorziening).

Yn 1989 besleat it kabinet-Lubbers III dat it ministearje fan Lânbou en Fiskerij ek it foech krige oer it mêd fan belied iepenloftrekreaasje en natuerbeskerming. De namme waard doe feroare yn Ministearje fan Lânbou, Natuerbehear, en Fiskerij (Ministerie van Landbouw, Natuurbeheer en Visserij). It naam it mêd fan natuer- en rekreaasje oer fan it Ministearje fan Kultuer, Rekreaasje, en Maatskiplik Wurk.

Op 1 july 2003 waard by it foarmjen fa it kabinet-Balkenende II de namme feroare ta Ministearje fan Lânbou, Natuer, en Fiedselkwaliteit. Dy feroaring waard nedich, om't de Nederlânske Fiedsel- en Warenautoriteit ûnder foech fan LNV kaam.

Op 14 oktober 2010 gie it ministearje tegearre it ministearje fan Ekonomyske Saken, nei it foarmjen fan it kabinet-Rutte I, op yn it nije Ministearje fan Ekonomyske Saken, Lânbou, en Ynnovaasje. Nei it foarmjen fan it kabinet-Rutte II waard de namme ferkoarte ta Ministearje fan Ekonomyske Saken.

Politike lieding

Nei it foarmjen fan it kabinet-Rutte III waard it ministearje fannijs oprjochte mei Carola Schouten fan de CU as minister.

Yn it kabinet-Rutte IV wie Henk Staghouwer (ek fan de CU) - ferfongen troch Piet Adema (ek fan de CU) - minister fan LNV en Christianne van der Wal (VVD) is minister sûnder portefúlje.

Yn it kabinet-Schoof, dy't op 2 july 2024 foarme waard, waard Femke Wiersma fan Holwert de minister.

Keppeling om utens

• Webstee Ministearje fan Lânbou, Natuer en Fiedselkwaliteit

	Nederlânske ministearjes
Algemiene Saken (AZ) · Binnenlânske Saken en Keninkryksrelaasjes (BZK) · Bûtenlânske Saken (BZ) · Definsje (Def) · Ekonomyske Saken en Klimaat (EZ) · Finânsjes (Fin) · Folkssûnens, Wolwêzen en Sport (VWS) · Ynfrastruktuer en Wettersteat (I&W) · Justysje en Feiligens (J&V) · Lânbou, Natuer en Fiedselkwaliteit (LNV) · Sosjale Saken en Wurkgelegenheid (SZW) · Underwiis, Kultuer en Wittenskip (OCW)
· ·