FIFA

De FIFA, folút de Fédération Internationale de Football Association (Ynternasjonale fuotbalfederaasje), in in ynternasjonale organisaasje foar it fuotbal. De FIFA organisearret en beheart grutte ynternasjonale fuotbaltoernoaien, wêrûnder it Wrâldkampioenskip fuotbal (manlju en froulju) en it Wrâldkampioenskip fuotbal foar klups.

Fédération Internationale de Football Association Ynternasjonale fuotbalfederaasje
algemiene ynformaasje
ôfkoarting	FIFA
sport	Fuotbal
regio	Wrâldwiid
haadkantoor	Switserlân Zürich
foarsitter	Gianni Infantino
sekretaris-generaal	Fatma Samoura
oprjochte	1904
tal leden	211 nasjonale fuotbalbûnen 6 konfederaasjes
olympysk komitee	IOC
de konfederaasjes fan de FIFA
offisjele webside
fifa.com
Temaside  Sport

Foarsitters

Namme	Nasjonaliteit	Amtsperioade	Opm.
Robert Guérin	Frânsk	1904-1906
Daniel Burley Woolfall	Ingelsk	1906-1918	Yn 1918 hommels ferstoarn
Carl Hirschman	Nederlânsk	1918-1921	Ynterim foarsitter
Jules Rimet	Frânsk	1921-1954
Rodolphe William Seeldrayers	Belgysk	1954-1955	Yn 1955 hommels ferstoarn
Arthur Drewry	Ingelsk	1955-1961	Yn 1961 hommels ferstoarn
Ernst Thommen	Switsersk	1961	Ynterim foarsitter
Sir Stanley Rous	Ingelsk	1961-1974
João Havelange	Brazyljaansk	1974-1998
Sepp Blatter	Switsersk	1998-2015	Yn desimber 2015 foar acht jier út 't amt set fanwegen korrupsje.
Issa Hayatou	Kameroensk	2015-2016	Ynterim foarsitter
Gianni Infantino	Switsersk	2016-hjoed de dei

Vice-foarsitters

De foarsitters fan de 6 konfideraasjes binne ek de vice-foarsitters fan de FIFA. Alinne de UEFA leverert trije vice-foarsitters.

AFC Aazje	UEFA Jeropa	CAF Afrika	CONCACAF Noard-Amearika	CONMEBOL Súd-Amearika	OFC Oseaanje
Salman Bin Ibrahim Al-Khalifa Senior	Aleksander Čeferin Sándor Csányi David Martin	Patrice Motsepe	Victor Montagliani	Alejandro Domínguez	Lambert Maltock

Sekretaris-generaal

Namme	Nasjonaliteit	Amtsperioade	Opm.
Louis Muhlinghaus	Belgysk	1904-1906
Carl Hirschman	Nederlânsk	1906-1931
Dr. Ivo Schricker	Dútsk	1932-1951
Kurt Gassmann	Switsersk	1951-1960
Dr. Helmut Käser	Switsersk	1961-1981
Sepp Blatter	Switsersk	1981-1998
Michel Zen-Ruffinen	Switsersk	1998-2002
Urs Linsi	Switsersk	2002-2007
Jérôme Valcke	Frânsk	2007-2015	út 't amt set fanwegen korrupsje.
Markus Kattner	Dútsk	2015-2016	Ynterim sekretaris
Fatma Samoura	Senegaleesk	2016–hjoed de dei

Leden

Utsein Monako, Fatikaanstêd, Mikroneezje, Kiribaty, de Marshalleilannen, Naurû, Palau en Tuvalu, dy't wol elk in nasjonale ploech hawwe, binne alle ûnôfhinklike lannen lid fan de FIFA. Dêrneist is in oantal ôfhinklike gebieten ek lid fan de organisaasje. De fjouwer lânrekken fan it Feriene Keninkryk hawwe elk in apart bûn en fungearje as in selsstannich optredend lân (Wales, Noard-Ierlân, Ingelân en Skotlân). Dat is ûnder de oansluting fan dizze fuotbalbûnen as betingst steld. Yn 2016 waarden Kosovo en Gibraltar talitten as respektyflik 210e en 211e lid fan de FIFA.

Konfederaasjes

De FIFA hat seis kontinintale bûnen as lid:

• Aazje, Asian Football Confederation, (AFC)
• Afrika, Confédération Africaine de Football, (CAF)
• Súd-Amearika, Confederación Sudamericana de Fútbol, (CONMEBOL)
• Noard-Amearika, Confederation of North and Central American and Caribbean Association Football, (CONCACAF)
• Oseaanje, Oceania Football Confederation, (OFC)
• Jeropa, Uny fan Jeropeeske Fuotbal Assosjaasjes, (UEFA)

Korrupsje

Nei jierrenlange geroften fan korrupsje en fraude binnen de organisaasje waarden op 27 maaie 2015 meardere FIFA-bestjoerders oppakt op fertinking fan omkeaping, ôfparsing en it wytwaskjen fan jild. Ek waard der troch de Switserske plysje in ynfal op it haadkantoar fan de organisaasje dien en waarden der dokuminten meinaam. Yn 2015 trede fjouwer dagen nei syn werferkiezing Sepp Blatter as FIFA-foarsitter. As reden joech er dat it foar him net fielde dat er fan de hiele fuotbalwrâld de stipe hie om fierder te gean. Op 21 desimber fan dat jier skorste de tuchtkeamer fan de etyske kommisje fan de FIFA Sepp Blatter en Michel Platini foar acht jier fanwegen oertrêding fan de etyske koade. Blatter krigge boppedat noch in jildboete fan 50.000 Switserske frank en Platini moast 80.000 Switserske frank betelje. Beiden waarden útsletten fan alle fuotbal relatearre aktiviteiten op nasjonaal en ynternasjonaal nivo.