Manon Scheepstra

Manon Scheepstra (Harns, 2 maart 1993) is in keatster fan Frjentsjer dy't selektearre haadklasser is en meardere Frouljus-PC's wûn hat. Tsjinwurdig wennet se yn Ljouwert.

Manon Scheepstra
keatser
persoanlike bysûnderheden
nasjonaliteit	Nederlânsk
bertedatum	2 maart 1993
berteplak	Harns
etnisiteit	Frysk
sportive ynfo
sport	Keatsen
PC	2013, 2015, 2016, 2018, 2019, 2020, 2021, 2022
karriêre-ein	2025

Famylje

Scheepstra stammet fan memmekant ôf fan'e familje Seerden. Har broer Patrick Scheepstra keatst ek yn'e haadklasse. Se hat in relaasje mei âld haadklassekeatser Daniël Iseger.

Prizen

Scheepstra wûn oant en mei 2024 acht keer de Frouljus-PC. Fjouwer wûn se mei Ilse Tuinenga, de lêste trije wûn se mei Nynke Sijbrandij en Marrit Zeinstra. Yn 2013, 2015 en 2021 waard se Keninginne. De Ald-Meiers Partij wûn se yn 2008 mei Frjentsjer, yn 2014 pakte se (foar it earst) de Jong Famme Partij. Mei it winnen fan it NK Dames mei Goutum yn 2021, pakte Scheepstra ek de fjouwerde Wimpel.^[1][2]

Beskermfrou

Sûnt 2016 is Scheepstra beskermfrou fan'e Jong Famme Partij.^[3]

Op de dei fan de lotting foar de 49ste Frouljus-PC yn 2025 liet Scheepstra witte dat sy ophâlde sil mei keatsen op heech nivo.^[4]

Boarnen, noaten en referinsjes