Ruth Fuchs

Ruth Fuchs (Egeln, 14 desimber 1946 - Jena, 20 septimber 2023) wie in Dútsk atlete en politika, dy't wilens har sportkarriêre útkaam foar it doetiidske East-Dútslân.

Ruth Fuchs
sporter
Ruth Fuchs (1980)
persoanlike bysûnderheden
echte namme	Ruth Fuchs
nasjonaliteit	Dútsk
bertedatum	14 desimber 1946
berteplak	Egeln
stjerdatum	20 septimber 2023
stjerplak	Jena
lingte	1.69 m
gewicht	71 kg
sportive ynformaasje
sport	Atletyk
ûnderdiel	Spearwerpen
O.S.	München 1972 Montreal 1976 Moskou 1980
debút	1967
karriêre-ein	1980
wichtige prestaasjes
2x goud Olympyske Spullen 1972, 1976 2x goud EK 1974, 1978 1x brûns EK 1971

Ruth Fuchs
politikus
Ruth Fuchs (1990)
partij	Partei des Demokratischen Sozialismus

Atletyk

Fuchs die trije kear mei oan de Europeeske kampioenskippen, en trije kear oan de Olympyske Simmerspullen (yn 1972, 1976 en 1980). Sy waard by dizze kampioenskippen twa kear Europeesk kampioene, en Olympysk kampioene. Nei de Olympyske Simmerspullen fan 1980 beëinige Fuchs har karriêre as atlete. Yn 1994 joech se ta by har karriêre doping brûkt te hawwen.

Wrâldrekôrs

Ofstân (m)	Datum	Plak
65,06	11 juny 1972	Potsdam
66,11	7 septimber 1973	Edinburgh
67,22	3 oktober 1974	Rome
69,12	10 july 1976	Berlyn
69,52	13 juny 1979	Dresden
69,96	29 april 1980	Split

Polityk

Nei har sportkarriêre gie Ruth Fuchs yn de polityk. Fan 18 maart 1990 oant de Dútske wereniging op 3 oktober 1990 wie hja lid fan it parlemint de Volkskammer foar de Partei des Demokratischen Sozialismus (PDS), de fuortsetting fan de kommunistyske partij fan de DDR, de SED. Nei de Dútske wereniging wie se lid fan de Bundestag, ek foar de PDS en lid fan it Thüringer Landtags yn Tueringen. Yn 2009 stelde sy har net mear kandidaat foar de Landtags ferkiezingen.

Ruth Fuchs ferstoar op 20 septimber 2023, yn 'e âldens fan 76 jier.

Boarnen, noaten en referinsjes