Sven Kramer

Sven Kramer (Aldskoat, 23 april 1986) is in earder Frysk reedrider út Aldskoat. Hy is in soan fan âld maraton- en reedrider Yep Kramer.

Dizze side moat noch by de tiid brocht wurde. Jo wurde útnûge om dêr in begjin mei te meitsjen

Sven Kramer
sporter
Sven Kramer (2007)
persoanlike bysûnderheden
nasjonaliteit	Nederlânsk
bertedatum	23 april 1986
berteplak	It Hearrenfean
etnisiteit	Frysk
lingte	1,87 m
sportive ynformaasje
sport	reedriden
ûnderdiel	Langebaan
trener	Gerard Kemkers
earste titel	NK oer-alles, 2005
O.S.	Turyn 2006, Vancouver 2010, Sotsjy 2014, Pyeongchang 2018, Peking 2022
debút	2004
karriêre-ein	2022
wichtige prestaasjes
4x goud Olympyske Spullen 2010, 2014, 2018 2x sulver Olympyske Spullen 2006, 2014 3x brûns Olympyske Spullen 2006, 2010, 2018 9x goud Wrâldkampioenskip OA 2007-2010, 2012-2013, 2015-2017, 3x brûns Wrâldkampioenskip 2005, 2006, 2019

Karriêre

Kramer yn de belslide op Thialf

Yn 2004 wûn Kramer, noch mar 18 jier, en dêrmei junior, ûnferwachts it Nederlânsk kampioenskip reedriden oer-alles yn Thialf. Dêrmei fertsjinne hy in startbewiis foar syn earste Europeesk Kampioenskip, dêr't hy op 9 jannewaris 2005 twadde waard. Krap in moanne letter, op 6 febrewaris, waard hy yn Moskou tredde op syn earste wrâldkampioenskip oer-alles.

Op 19 novimber 2005, ûnder de tariedings foar de Olympyske Winterspullen 2006 yn Turyn, ferbettere Kramer by in Wrâldbekerwedstriid yn Salt Lake City it wrâldrekord op de 5.000 m fan Chad Hedrick, dat net mear as in wike âld wie. Yn de wedstriid tsjin Carl Verheijen kamen beide ûnder de tiid fan Hedrick, mar Kramer kaam yn de lêste bocht ûnder syn tsjinstanner troch en sette in nije wrâldrekordtiid fan 6.08,78. Op 11 febrewaris waard er efter dyselde Chad Hedrik twadde op de 5.000m op de Olympyske Spullen.

In seizoen letter kaam Kramer hielendal los. Hy wûn trije ôfstânen op it NK Oer-alles. Twa moanne letter wint Kramer yn Kollalbo it JK Oer-alles. Mei twa nije wrâldrekords, op de 5.000 en de 10.000 meter, waard er mei oermacht kampioen. Noch ris fjouwer wiken letter liet Kramer yn Thialf op It Hearrenfean opnij sjen de bêste te wêzen. Hy wûn de 5.000 en de 10.000 meter, waard op de 500 meter fiifde en op de 1.500 meter tredde. Dêrmei waard Kramer Wrâldkampioen Oer-alles.

Priveelibben

Kramer hat sûnt begjin 2008 in relaasje mei hokkyspylster Naomi van As. Op 21 oktober 2018, mei har hat Kramer in dochter en in soan.

Grutste súksessen

Nederlânsk kampioen Oer-alles

Jier	Datum	Plak
2004	19 desimber	Thialf, It Hearrenfean
2007	30 desimber	Kardinge, Grins

Jeropeesk kampioen Oer-alles

Jier	Datum	Plak
2009	11 jannewaris	Thialf, It Hearrenfean
2010	10 jannewaris	Vikingskipet, Hamar
2012	8 jannewaris	Városligeti Müjégpálya, Boedapest
2013	13 jannewaris	Thialf, It Hearrenfean
2015	11 jannewaris	Oeralskaja Molnija, Tsjeljabinsk
2016	10 jannewaris	Minsk Arena, Minsk
2017	8 jannewaris	Thialf, It Hearrenfean
2019	13 jannewaris	Arena Ritten, Collalbo

Wrâldkampioen Oer-alles

Jier	Datum	Plak
2007	11 febrewaris	Thialf, It Hearrenfean
2012	19 febrewaris	Krylatskoje, Moskou
2013	17 febrewaris	Vikingskipet, Hamar
2015	8 maart	Olympic Oval, Calgary
2016	17 febrewaris	Sportforum Hohenschönhausen, Berlyn
2017	5 maart	Vikingskipet, Hamar

Olympyske Spullen

Jier	Datum	Ofstân	Medalje	Plak
2006	11 febrewaris	5 km	Sulver	Turyn
2010	13 febrewaris	5 km	goud	Vancouver
2014	8 febrewaris	5 km	goud	Sotsji
2018	11 febrewaris	5 km	goud	Pyeongchang

2005

• 19 novimber 2005 - Wrâldtoptiid op de 5.000 m.

Persoanlike rekords

Ofstân	Tiid	Datum	Baan
500 meter	36,17	27-12-2009	It Hearrenfean
1.000 meter	1.09,77	28-02-2015	Calgary
1.500 meter	1.43,54	11-12-2009	Salt Lake City
3.000 meter	3.35,93	19-12-2020	It Hearrenfean
5.000 meter	6.03,32	17-11-2007	Calgary
10.000 meter	12.38,89	11-02-2017	Gangneung
efterfolging	3.34,68	15-02-2020	Salt Lake City

Ofbylden dy't by dit ûnderwerp hearre, binne te finen yn de kategory Sven Kramer fan Wikimedia Commons.