Westerlee

Westerlee (Grinslânsk: Westerlij) is in doarp yn de gemeent Aldamt yn de provinsje Grinslân. It doarp hie op 1 jannewaris 2019 1.495 ynwenners en it leit tusken Hilligerlee en Meeden. It doarp leit op de grins fan it de histoaryske Fryske goa Aldamt en de Grinzer Feankoloanjes. Westerlee wie fan 1811 oant 1821 in selsstannige gemeente.

Westerlee
Sint-Joaristsjerke yn Westerlee
Bestjoer
Lân	Nederlân
Provinsje	Grinslân
Gemeente	Aldamt
Sifers
Ynwennertal	1.520 (2023) [1]
Oerflak	15,93 km² wêrfan lân: 15,81 km² wêrfan wetter: 0,12 km²
Befolkingsticht.	95 ynw. / km²
Oar
Tiidsône	UTC +1
Simmertiid	UTC +2
Koördinaten
Offisjele webside
www.westerlee.nl
Kaart
Kaart
Lokaasje Westerlee yn eardere gemeente Scheemda

Namme

De namme Westerlee ferwiist nei in sânrêch (lee), dêr't it doarp op boud waard. Dy sânrêch skiedt dêr it feangebiet fan it klaaigebiet. Benoarden it doarp begjint it Aldamt, en besuden begjinne de Feankoloanjes.

Skiednis

It doarp waard foar it earst neamde yn in âlde kleasterkronyk út 1230. De parochy hie yn dy tiid in bannen mei it kleaster fan Heiligerlee. De âlde herfoarme tsjerke waard yn 1776 ferfongen troch in nije tsjerke. Op de hjoeddeiske tsjerke stiet in ôfbyld fan Sint-Joaris. Sûnt 2010 binne der gjin tsjerketsjinsten mear, mar wurdt it gebou noch hieltyd brûkt foar bysûndere gelegenheden. De grifformearde tsjerke, dy't yn 1930 boud waard, moast yn 2012 slute, om't der hast gjinien mear yn de tsjerkerie siet. Dêrnei waarden der yn Westerlee gjin tsjerketsjinsten mear holden.

It eastlike part fan it doarp wie yn de santjinde iuw in aparte útbuorren dat De Smacht neamd waard, nei in earder foarwurk fan it kleaster Heiligerlee, dy't oant it begjin fan de tweintichste iuw ta it kerspel Heiligerlee rekkene waard.

Boarnen, noaten en referinsjes