Duaiseanna an Acadaimh

Is ionann Duaiseanna an Acadaimh, Gradaim an Acadaimh nó na hOscair,^[1] agus gradaim a bhronnann an tAcadamh Ealaíona agus Eolaíochtaí na Scannán (AMPAS) i Stáit Aontaithe Mheiriceá gach bliain, chun aitheantas a léiriú d'fheabhas na ndaoine gairmiúla i dtionscal na scannán, idir stiúrthóirí, aisteoirí agus scríbhneoirí.

Duaiseanna an Acadaimh

(en) Academy Awards
Sonraí
Cineál	grúpa duaiseanna
Stair
Dáta a bunaíodh	1929
Rialachas corparáideach
Ceanncheathrú	Hollywood, California
Codanna	Duais an Acadaimh don scannán is fearr Duais an Acadaimh don amhrán nuachumtha is fearr Duais an Acadaimh don chineamatagrafaíocht is fearr Academy Award for Best Writing, Adapted Screenplay (en) Academy Award for Best Costume Design (en) Gradam Acadaimh don Scór Bunaidh is Fearr Academy Award for Best Director (Comedy Picture) (en) Academy Award for Best Original Dramatic Score (en) Academy Award for Best Writing, Original Screenplay (en) Academy Award for Best Animated Feature (en) Duais an Acadaimh don aisteoir is fearr Duais an Acadaimh don stiúrthóir is fearr Academy Award for Best International Feature Film (en) Duais an Acadaimh don bhan-aisteoir is fearr Duais Acadaimh don Aisteoir Tacaíochta is Fearr Duais an Acadaimh don aisteoir tánaisteach is fearr Academy Award for Best Documentary Feature Film (en)
Suíomh gréasáin	https://www.oscars.org/oscars

Cuireadh tús leis na Gradaim ar an 16 Bealtaine 1929

31ú Gradaim an Acadaimh, Hollywood, 1959.

81ú Gradaim an Acadaimh, Hollywood, 2009.

Déantar é seo ag searmanas bronnta gach uile bhliain, i mí an Mhárta de ghnáth. Bíonn sé ar cheann de na himeachtaí teilifíse is mó ar domhan ó thaobh lucht féachana de.

Bronntar deilbhín óir (cré-umha teilgthe agus plátáilte le hór i ndáiríre) ar an duine a thugann an svae leis/léi i gcatagóir ar bith de na gradaim. Rinne an dealbhóir George Stanley an chéad cheann^[2] as sceitse de chuid Cedric Gibbons.^[3]

Stair

Cuireadh tús leis na Gradaim ar an 16 Bealtaine 1929. Reáchtáladh an ócáid san Ostán Roosevelt i Hollywood agus 270 i láthair. Mhair an searmanas cúig nóiméad déag. Bhronn Douglas Fairbanks Oscar ar Janet Gaynor, banaisteoir. Bronnadh Oscar "an t-aisteoir is fearr" ar Emil Jannings^[4] in absentia; Naitsíoch cruthanta ba ea é agus d'fhill sé go dtí an Ghearmáin roimh an ócáid, a dheilbhín óir faoina ascaill aige.^[5] $5 ba ea luach an dinnéir (b’fhéidir $100 inniu) agus d'ith an lucht scannánaíochta sicín gríosctha ar phíosa tósta, pónairí agus prátaí.^[6]

Sa bhliain 1953, craoladh na Gradaim ar an teilifís don chéad uair (19 Márta ar NBC, agus ansin ABC ó 1960).

Bhí conspóid ag Gradaim an Acadaimh 2022 nuair a bhuail an t-aisteoir Will Smith an fuirseoir Chris Rock tar éis dó jóc a insint faoina bhean chéile Jada Pinkett-Smith.^[7]

Níor éirigh le An Cailín Ciúin an gradam don scannán i dteanga nach í an Béarla í a thabhairt leo sa bhliain 2023. Bhí dóchas ag na Gaeil go dtabharfadh an chéad scannán Gaeilge a ainmníodh dá leithéid de ghradam an duais mhór thar Atlantach abhaile.^[8]

Naisc sheachtracha

• Suíomh oifigiúil an Acadaimh

Féach freisin

• Féile Scannán Cannes

Tagairtí

1. The Academy Awards nó the Oscars as Béarla
2. "George Stanley (sculptor)" (as en) (2024-03-04). Wikipedia.
3. "Cedric Gibbons, the Irish American who designed the Oscar" (en-GB). EPIC The Irish Emigration Museum in Dublin | Official Site. Dáta rochtana: 2024-05-16.
4. "Emil Jannings" (as en) (2024-04-19). Wikipedia.
5. Martin Chilton (2024-03-08). "Oscars: The Nazi shame of Best Actor winner Emil Jannings" (en). The Independent. Dáta rochtana: 2024-05-16.
6. Jason Bailey (2021-01-27). "The First Oscar Ceremony Lasted 15 Minutes. What Happened?" (en-US). The New York Times. Dáta rochtana: 2024-05-16.
7. "Tús Áite: Conspóid ag Gradaim Oscars" (en). RTE Radio (2022-03-28). Dáta rochtana: 2024-05-16.
8. NÓS (2023-03-13). "Deireadh le brionglóid an Oscair do ‘An Cailín Ciúin’" (ga-IE). PEIG. Dáta rochtana: 2024-05-16.