Iarnród Tras-Sibéarach

Is iarnród é an tIarnród Tras-Sibéarach ó chathair Chelyabinsk i sléibhte na hÚraile trasna na Sibéire go dtí Vladivostok ar an Aigéan Ciúin.

Léarscáil den Iarnród Tras-Sibéarach

Príosúnaigh Rúiseacha ag tógáil Iarnród Amur, cuid den Tras-Sibéarach, go luath san 20ú haois

Stair

Tógadh an Tras-Sibéarach i 1891–1905. Timpeall an ama chéanna tógadh géagáin ó Ulan-Ude ó dheas go hUlánbátar na Mongóile agus síos go Béising na Síne, agus ó Vladivostok go Harbin is Béising. Tógadh géagán mórthimpeall ar Loch Baikal i 1916. Sna 1960idí-1970idí tógadh géagán fada ó Novosibirsk ó thuaidh ó Loch Baikal go Nikolaevsk-na-Amure ar an Aigéan Ciúin.

Líonra

Is iad na cathracha móra air ná Moscó, Ekaterinburg, Chelyabinsk, Omsk, Novosibirsk, Irkutsk, Ulan Ude, Kharbarovsk agus Vladivostok. Tá an t-iarnród leictrithe anois, ach tógann sé 7 lá taisteal ó cheann go ceann.^[1]

Is é stáisiún Vladivostok ceann cúrsa thoir an Iarnróid Thras-Sibéaraigh.

Tagairtí

1. Hussey, Matt (2011). "Iarnród Tras-Sibéarach". Fréamh an Eolais. Coiscéim. p. 360.

Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir.