![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0a/Microplastics_in_sediments.jpg/640px-Microplastics_in_sediments.jpg&w=640&q=50)
Micreaphlaistigh
From Wikipedia, the free encyclopedia
Is píosaí plaisteacha an-bheaga iad micreaphlaistigh a thruaillíonn an comhshaol.[1] Ní cineál sonrach plaisteach iad miceaphlaistigh, ach in ionad aon chineál blúire plaisteach atá níos lú ná 5 mm ar fhad de réir an National Oceanic and Atmospheric Administration (NOAA) sna Stáit Aontaithe.[2][3] Téann siad isteach in éiceachórais nádúrtha ó fhoinsí éagsúla, lena n-áirítear, ach gan a bheith teoranta do, chosmaidí, éadaí, agus próisis thionsclaíocha.
![Thumb image](http://upload.wikimedia.org/wikipedia/commons/thumb/0/0a/Microplastics_in_sediments.jpg/640px-Microplastics_in_sediments.jpg)
Tá dhá rangúchán de mhicreaphlaistigh ann faoi láthair. Is éard is micreaphlaistigh phríomha ann ná blúirí nó cáithníní phlaisteacha atá 5.0 mm nó níos lú i méid cheana féin, sula dtéann sé isteach sa chomhshaol. Ina measc seo tá micreachoirníní ó éadaí, agus millíní phlaisteacha.[4][5][6] Is micreaphlaistigh thánaisteacha iad micreaphlaistigh a chruthaítear ó dhíghrádú táirgí plaisteacha móra nuair a théann siad isteach sa chomhshaol trí phróisis síonchaitheamh nádúrtha. I measc na bhfoinsí sin de mhicreaphlaistigh thánaisteacha tá buidéilí uisce agus sóide, líonta iascaireachta, agus málaí plaisteacha.[6] [7] Aithnítear go bhfanann an dá chineál sa chomhshaol ag leibhéil arda, go háirithe in éiceachórais uisce agus muirí.
![Thumb image](http://upload.wikimedia.org/wikipedia/commons/thumb/2/2f/Microplastic_sample.jpg/640px-Microplastic_sample.jpg)
Chomh maith leis sin, laghdaíonn plaistigh go mall, go minic thar na céadta más rud é nach na mílte bliain. Méadaíonn sé seo an dóchúlacht go n-ionghabhfar micreaphlaistigh agus go n-ionchorpraítear iad isteach i gcorp agus i bhfíocháin a lán orgánach, agus go ndéanfar iad a charnadh.[8][9] Níl eolas ar bith fós ar thimthriall agus ar ghluaiseacht iomlán na micreaphlaisteach sa chomhshaol, ach tá taighde ar siúl faoi láthair chun an cheist seo a imscrúdú.
![Thumb image](http://upload.wikimedia.org/wikipedia/commons/thumb/0/0d/Snap-40.jpg/640px-Snap-40.jpg)