An tSeoirsia

Tír i gCugas is ea an tSeoirsia agus í ag críochantacht leis an Asarbaiseáin, an Airméin, an Tuirc agus an Rúis. Gruziya (Грузия) a thugtar uirthi as Rúisis, agus mar sin, feictear an leagan An Ghrúis sa Ghaeilge freisin. Is é an t-ainm atá ag muintir na Seoirsia ar a dtír ina dteanga féin ná Sakartvelo (საქართველო). Bhain an tír a neamhspleáchas amach sa bhliain 1991 ón Aontas Sóivéadach.

Is é is ábhar don leathanach seo ná an tír. Má tá suim agat i gciall eile atá leis an téarma seo, féach Georgia (stát S.A.M.).

An tSeoirsia
საქართველო (ka)
Bratach Armas
Aintiún	Tavisupleba
Mana	«Dzala ertobashia»
Ainmnithe in ómós	Seoirsigh
Suíomh
42° N, 44° E
Príomhchathair	Tbilisi
Daonra
Iomlán	3,717,100 (2017)
• Dlús	53.33 hab./km²
Déamainm	Seoirseach
Teanga oifigiúil	an tSeoirsis an Abcáisis (regional language (en) )
Reiligiún	Georgian Orthodox Church (en)
Tíreolaíocht
Achar dromchla	69,700 km²
Pointe is airde	Shkhara (en) (5,193.2 m)
Pointe is ísle	an Mhuir Dhubh (0 m)
Ar theorainn le	an Airméin an Rúis an Asarbaiseáin an Tuirc
Sonraí stairiúla
Leanann sé/sí	Poblacht Shóivéadach Shóisialach na Seoirsia
Cruthú	1008 26 Bealtaine 1918:  Neamhspleáchas 25 Feabhra 1921:  RSS Georgia (Poblacht san Aontas Sóivéadach) 25 Nollaig 1991:  Stát ceannasach
Saoire phoiblí	Lá Caille (1 Eanáir) An Nollaig (7 Eanáir) Baptism of the Lord (en) (19 Eanáir) Lá na Máithreachta (3 Márta) Lá Idirnáisiúnta na mBan (8 Márta) Day of National Unity of Georgia (en) (9 Aibreán) Aoine an Chéasta (2 lá roimh an Cháisc) Paschal cycle (en) Cáisc (22 Márta) Luan Cásca (Easter + 1 day (en) ) Lá na hEorpa (9 Bealtaine) Victory Day (en) (9 Bealtaine) Saint Andrew the First-Called Day (en) (12 Bealtaine) Independence Day (en) (26 Bealtaine) Dormition of the Mother of God (en) (28 Lúnasa) Mtskhetoba (en) (14 Deireadh Fómhair) Lá Fhéile Seoirse (23 Samhain)
Éarlamh	Naomh Seoirse
Eagraíocht pholaitiúil
Córas rialtais	semi-presidential system (en) , stát aonadach, poblacht pharlaiminteach agus poblacht
Comhlacht feidhmiúcháin	Rialtas na Seoirsia
Comhlacht reachtach	Parlaimint na Seoirsia
• Uachtarán na Seoirsia	Zviad Gamsakhurdia (1991–1993)
• Príomh-Aire na Seoirsia	Irakli Kobakhidze (2024–)
Údarás breithiúnach is airde	Cúirt Bhunreachtúil na Seoirsia
Eacnamaíocht
OTI ainmniúil	24,605,375,420 $ (2022)
Airgeadra	lari na Seoirsia
Aitheantóir tuairisciúil
Lonnaithe i gcrios ama	UTC+04:00 Georgia Time (en)
Fearann Idirlín barrleibhéil	.ge agus .გე
Glaochód	+995
Uimhir theileafóin éigeandála	112, 111, 113 agus 122
Cód tíre	GE

Daonra

Is í an tSeoirsis teanga oifigiúil na Seoirsia, agus tá aibítir dá cuid féin aici. Teanga Chugasach Dheisceartach is ea í, rud a chiallaíonn nach bhfuil gaol ar bith aici le bunús mór na dteangacha eile san Eoraip. Labhraítear roinnt mhaith teangacha eile sa Seoirsia, go háirithe Asarbaiseáinis (6.5 %) agus Airméinis (5.7 %). Tá dornán Rúiseach ina gcónaí sa tír fós, ach ó bhain an tSeoirsia amach a neamhspleáchas, d'fhág an chuid ba mhó acu an áit. Cloistear na teangacha Margaluri (Megreli), Svan, agus Laz in áiteanna. Tá gaol acu leis an Seoirsis, ach tá siad an-difriúil léi, agus mar sin, is é an dearcadh atá ag na teangeolaithe nach canúintí iad ach teangacha iontu féin. Agus an méid sin ráite, is í an tSeoirsis chaighdeánach an teanga a úsáideann lucht labhartha na dteangacha seo le haghaidh na litríochta is na léitheoireachta. Mar sin, murar canúintí iad, ní bhaintear ach úsáid na canúna astu. Tá Seoirsis nó ceann de na teangacha gaolmhara seo ag 83.8 % de mhuintir na tíre .

Cosúil leis an Airméin, is náisiún seanársa Críostaí í an tSeoirsia, agus eaglais náisiúnta ar leith ag na Seoirsigh. Mar sin féin, is Moslamach duine as gach deichniúr sa Seoirsia. Cuid mhór de na Moslamaigh sa tír, is Aidseáraigh iad, is é sin, Seoirsigh a chuaigh le hIoslam nuair a bhí na hOtamánaigh i seilbh na tíre. Is iomaí duine acu a d'iompaigh ina gCríostaithe nuair a bhain an tSeoirsia amach a neamhspleáchas, daoine óga ach go háirithe. Tá eaglais náisiúnta dá gcuid féin ag na hAirméanaigh freisin. Thairis sin, tá dornán beag Caitliceach agus Protastúnach ann, agus is é Ioslam reiligiún na nAsarbaiseánach sa tír.

Éire

Léirigh na figiúirí in 2024 ón tseirbhís a chuireann lóistín ar fáil d’iarratasóirí ar chosaint idirnáisiúnta go raibh 2,992 duine ón tSeoirsia ag fanacht i lóistín in Éirinn.

Ar an 27 Feabhra 2025, díbríodh grúpa daoine ar chairteitilt chun na Seoirsia. Dúirt an tAire Jim O'Callaghan go raibh na Seoirsigh a díbríodh sa stát go mídhleathach. ^[1]

Féach freisin