Herman Dreer

Oideachasóir, údar, agus ministir Meiriceánach ab ea Herman Dreer (1888–1981). Bhí sé ina cheannaire ar an ngluaiseacht ar son cearta sibhialta d'Afrai-Mheiriceánaigh; i measc gníomhaíochtaí eile, d’oscail sé coláiste agus bhunaigh sé banc don phobal Afrai-Mheiriceánach in St. Louis, Missouri.^[1][2][3][4]

Teach Herman S. Dreer

Herman Dreer

Beathaisnéis
Breith	12 Meán Fómhair 1888 Washington, D.C.
Bás	7 Lúnasa 1981 92 bliana d'aois St. Louis, Missouri
Ministir
1950 – 1970
Faisnéis phearsanta
Grúpa eitneach	Meiriceánaigh Afracacha
Reiligiún	Baisteachas
Scoil a d'fhreastail sé/sí	Coláiste Bowdoin Cliarscoil Diagachta Virginia Ollscoil Chicago
Céim acadúil	dochtúireacht
Teanga dhúchais	Béarla
Gníomhaíocht
Gairm	scríbhneoir, aire rialtais, riarthóir acadúla, staraí, múinteoir, uachtarán ollscoile
Fostóir	Ollscoil Stáit Harris-Stowe Ollscoil Douglass Coláiste MacMurray
Ball de	Omega Psi Phi Knights of Pythias
Teangacha	Béarla agus an Laidin
Saothar
Suíomh a chartlainne	State Historical Society of Missouri (en)

Rugadh Dreer ar 12 Meán Fómhair 1888 in Washington, D.C. Bhain sé céim bhaitsiléara amach ó Choláiste Bowdoin in Brunswick, Maine, céim mháistreachta ó Chliarscoil Diagachta Virginia, agus Ph.D. sa tsocheolaíocht ó Ollscoil Chicago sa bhliain 1955.^[5] Phós sé Mary Thomas sa bhliain 1912 agus bhí beirt iníonacha acu. Chuir siad fúthu in St. Louis i 1914.^[5]

Chonaic sé an easpa deiseanna oideachais a bhí ag an bpobal Afrai-Mheiriceánach i gcathair St. Louis. Dá bharr sin, bhí ról lárnach aige i mbunú Ollscoil Douglass i 1935, Coláiste Stowe (coláiste oiliúna múinteoirí) i 1940, agus throid sé ar son imeascadh ciníocha in Ollscoil Washington in St. Louis sna 1940idí.^[5]

Scríobh Dreer do pháipéir nuachta agus d'iris darb ainm “Negro History” a bhunaigh Carter G. Woodson. Scríobh sé dhá úrscéal, agus chuir sé cnuasach de scríbhinní Afrai-Mheiriceánacha in eagar.^[1] Bhí sé ina mhinistir in King's Way Baptist Church ó 1950 go 1970.^[5]

Cuireadh an teach a cheannaigh sé ó fhorbróir (4335 Cote Brilliante Avenue, St. Louis) ar Chlár Náisiúnta na nÁiteanna Stairiúla in 2009.

Tá bailiúchán dá chuid páipéar i gcartlann ag an State Historical Society of Missouri.^[6]

Scríbhinní

• “Negro Leadership in St. Louis: A Study in Race Relations”, tráchtas Ph.D.
• The History of Omega Psi Phi Fraternity: A Brotherhood of Negro College Men, 1911 to 1939
• The Immediate Jewel of His Soul, a romance, úrscéal^[7]
• The Tie That Binds, úrscéal ^[8]
• American Literature by Negro Authors, eagarthóir ^[9]
• Sunrise: a drama in four acts
• “What Does the Innocent Teacher Impart as History?” ^[10]