Jimi Hendrix

Ceoltóir Meiriceánach ab ea James Marshall "Jimi" Hendrix, (27 Samhain, 1942 - 18 Meán Fómhair, 1970). Giotáraí agus cumadóir a bhí ann, agus aithnítear mar dhuine de na giotáraithe leictreacha is mó tábhacht i stair an rac-cheoil. As Seattle dó, fuair sé bás i Londain, Shasana sa bhliain 1970.

Jimi Hendrix

Ainm sa teanga dhúchais	(en) Jimi Hendrix (en) James Marshall Hendrix (en) James Marshall Hendrix
Beathaisnéis
Breith	(en) Johnny Allen Hendrix 27 Samhain 1942 Seattle (Stáit Aontaithe Mheiriceá)
Bás	18 Meán Fómhair 1970 27 bliana d'aois Kensington, England
Siocair bháis	Bás tionóisceach (Aisficse)
Áit adhlactha	Greenwood Memorial Park (en)
Faisnéis phearsanta
Ainm cleite	Jimmy James
Grúpa eitneach	Meiriceánaigh Afracacha
Reiligiún	Caitliceach neamhchleachtach
Scoil a d'fhreastail sé/sí	Fort Campbell (en) Ardscoil Garfield
Airde	70 in
Lámhcheannas	Ciotógacht
Gníomhaíocht
Gairm	giotáraí
Tréimhse oibre	1965 –  1970
Ball de	The Jimi Hendrix Experience Band of Gypsys Jimmy James and the Blue Flames
Seánra	Rac sícideileach, rac-cheol crua, acid rock (en) , gormrac agus electric blues (en)
Faoi thionchar	Bob Dylan, The Who, Chuck Berry agus Cream
Teangacha	Béarla
Gairm mhíleata
Brainse míleata	Arm na Stát Aontaithe
Cineál gutha	Baratón
Uirlis	Giotár, casú, glocainspíl agus ceol gutha
Lipéad ceoil	MCA Inc. Reprise Records
Ghlac sé/sí páirt i
1970	Féile Cheoil Inis Iocht 1970
15 Lúnasa 1969	Féile Woodstock
16 Meitheamh 1967	Monterey International Pop Festival (en)
Teaghlach
Páirtí	Devon Wilson Lithofayne Pridgon (en) Linda Keith (en) Kathy Etchingham
Athair	Al Hendrix  agus Lucille Hendrix
Siblín	Leon Hendrix
Gradam a fuarthas (1992)  Gradam Saoil Grammy  réalta ar Hollywood Walk of Fame  UK Music Hall of Fame (en)
Síniú
Suíomh gréasáin	jimihendrix.com

Saol

An t-ainm baiste a bhí air ná Johnny Allen Hendrix. Tháinig sé chun saoil i Seattle, Washington, mac le hAl Hendrix agus a bhean Lucille Jeter Hendrix.

Thugtaí Buster air mar leasainm agus é ina óige, in ómós do Buster Brown, cartún a bhí cáiliúil ag an am.

Sa bhliain 1946, d'athraigh a athair Al Hendrix a ainm go hoifigiúil go James Marshall Hendrix. Tar éis seo, bhíodh aithne ag daoine air mar Jimmy, nó James. Agus é ag seinm i mbannaí éagsúla, thosaigh sé ag tabhairt idir Maurice James agus Jimmy James air féin. Dhearbhaigh a bhainisteoir Chas Chandler níos déanaí gur iarr sé ar Hendrix an litriú a athrú go "Jimi", in áit "Jimmy", ach mhaígh Hendrix gurb é a smaoineamh féin.

Cáil

1968, Warner/Reprise Records

San Eoraip a bhain sé a chéad cháil amach, le tacaíocht óna bhanna The Jimi Hendrix Experience. Níorbh fhada go raibh a ainm in airde abhaile i Meiriceá chomh maith, tar éis a thaispeántais ag an Monterey Pop Festival sa bhliain 1967. Bhí sé ag barr an chláir ag na féilí Woodstock sa bhliain 1969 agus Isle of Wight sa bhliain 1970.

Laoch giotáir atá i Hendrix fós. Citeog a bhí ann, a bhí gafa go mór lena Fender Stratocaster. Bhain sé leas an-mhór as aischothú an ghiotáir, le cabhair go minic ó troitheán wah-wah.

Bás agus oidhreacht

Bhásaigh Hendrix ag árasán a bhanchara Monika Dannemann i Notting Hill, Londain go luath sa maidin ar an 18 Meán Fómhair, 1970. Thacht sé ar an aiseag féin tar éis dó an-iomarca piollairí suain agus alcól a thógáil.

Dioscliosta

The Jimi Hendrix Experience

• Are You Experienced? (1967)
• Axis: Bold as Love (1968)
• Electric Ladyland (1969)

Albam beo

• Band of Gypsies (1970)

Albam díolama

• Smash Hits (1969)
• Electric Jimi Hendrix (1968)