Richard Wright

Pianódóir agus seinnteoir méarchláir Sasanach a bhí i Richard William "Rick" Wright (28 Iúil 1943 - 15 Meán Fómhair 2008), ar a bhfuil cáil dhomhanda mar gheall ar an tréimhse fhada a chaith sé ag seinm leis an mbanna mór le lá Pink Floyd.

Richard Wright

(2006, München)
Beathaisnéis
Breith	(en) Richard William Wright 28 Iúil 1943 Londain (an Ríocht Aontaithe)
Bás	15 Meán Fómhair 2008 65 bliana d'aois Londain (an Ríocht Aontaithe)
Siocair bháis	Bás nádúrtha (Ailse)
Faisnéis phearsanta
Scoil a d'fhreastail sé/sí	Ollscoil Westminster Haberdashers' Aske's Boys' School (en)
Gníomhaíocht
Gairm	amhránaí is scríbhneoir, amhránaí, méarchláraí, cumadóir, pianódóir
Tréimhse oibre	1962 –  2008
Ball de	Pink Floyd (1964–2008) Sigma 6
Seánra	Rac forásach, rac sícideileach, rac-ealaine, rac turgnamhach, ceol leictreonach, snagcheol, rac-cheol agus reigé
Teangacha	Béarla
Cineál gutha	Baratón
Uirlis	Méarchlár leictreonach, orgán, pianó, sintéiseoir, giotár, sacsafón, trombón agus ceol gutha
Lipéad ceoil	EMI Capitol Records
Teaghlach
Céile	Juliette Gale (1964–1982)
Páiste	Gala Wright
Suíomh gréasáin	rickwright.com

Saol

Cé nach raibh sé chomh gníomhaí mar chumadóir is a bhí Syd Barrett, Roger Waters agus David Gilmour, chum sé cuid mhór den cheol ar na halbaim mhóra Meddle, Dark Side of the Moon, Wish You Were Here, agus chomh maith le sin The Division Bell, ceirnín deireanach an bhanna.

Ba chomhábhar bunúsach é obair mhéarchláir Wright i bhfuaim an bhanna, agus chuir sé a ghuth le hamhráin uaireanta chomh maith, beo ar an stáitse agus sa stiúideo, mar atá le cloisteáil ar na rianta "Time", "Echoes" agus "Astronomy Domine", a bhí cumtha ag Syd Barrett.

Cuireadh Wright as Pink Floyd sa bhliain 1981, nuair a bhíodar ag obair ar The Wall, tar éis fadhbanna ina shaol pearsanta agus teannas idir é féin agus Roger Waters, príomhchumadóir an bhanna ag an am.

2006

Tháinig Wright ar ais níos déanaí, nuair a d'fhág Waters féin, agus chuir sé tús le tréimhse nua rathúil ag comhoibriú le David Gilmour ar cheirníní nua de chuid Pink Floyd, The Division Bell ina measc. Ina dhiaidh sin, lean sé ag seinm le Gilmour ar saothar aonair an ghiotáraí idir 2002 agus a bhás.

Bás

Trom ar an tobac, tháinig ailse scamhóg air. Fuair sé bás ar an 15 Meán Fómhair 2008, agus trí scór is cúig bliana bainte amach aige.