Thomas Kinsella

File mór le rá as Baile Átha Cliath ab ea Thomas Kinsella (4 Bealtaine 1928 – 22 Nollaig 2021).

Thomas Kinsella

(2009)
Beathaisnéis
Breith	4 Bealtaine 1928 Inse Chór, Éire
Bás	22 Nollaig 2021 93 bliana d'aois Baile Átha Cliath, Éire
Gníomhaíocht
Réimse oibre	Filíocht agus aistriú
Suíomh oibre	Éire
Gairm	teangeolaí, múinteoir ollscoile, scríbhneoir, foilsitheoir, file, aistritheoir, eagarthóir
Fostóir	Ollscoil Temple
Ball de	Acadamh Ealaíona agus Eolaíochtaí Mheiriceá
Teangacha	Béarla agus an Ghaeilge
Saothar
Suíomh a chartlainne	Leabharlann Lámhscríbhinní, Cartlainne, agus Leabhar Uathúil Stuart A. Rose [ Manuscript Collection No. 774]
Gradam a fuarthas (1982)  Duais Rooney do Litríocht na hÉireann (1971)  Comhaltacht Guggenheim (1968)  Comhaltacht Guggenheim

Saothar

Bhí Kinsella ar dhuine de na heagarthóirí ar mhórchnuasach filíochta na hÉireann, Duanaire: Poems of the Dispossessed, agus bhí clú ar a dhán Mirror in February i measc dhaltaí na hArdteistiméireachta. Fuair sé Saoirse Chathair Bhaile Átha Cliath in 2007.

Rinne sé aistriúchán nua ar an eipic ársa Táin Bó Cúailgne. Tá cáil ar a leagan Béarla, a foilsíodh i 1969 agus a bhfuil léaráidí cuidsúlacha leis an ealaíontóir Louis le Brocquy ina gcomhchuid de.^[1]

Scríobh Thomas Kinsella an dán Butcher’s Dozen tar éis Dhomhnach na Fola i nDoire i 1972. Chomh maith leis an sléacht féin, ba é tuarascáil Widgery a spreag é lena chuid feirge a chur in iúl sa dán. "Mórmhasla" a thug sé ar an tuarascáil sin.

Bhí cuid dá dhuanta féin ar chúrsa na hArdteistiméireachta ar feadh na mblianta.^[1] Bhí clú ar a dhán Mirror in February i measc dhaltaí na hArdteistiméireachta.^[2]

Eagarthóir

Bhí Kinsella ar dhuine de na heagarthóirí ar mhórchnuasach filíochta na hÉireann. I 1981, foilsíodh An Duanaire 1600-1900: Poems of the Dispossessed, cnuasach a chuir sé féin agus Seán Ó Tuama in eagar, a tháinig amach i 1981 agus a bhfuil ráchairt air i gcónaí. Ba é an aidhm a bhí ag na húdair leis an leabhar sin ná saibhreas filíochta na Gaeilge ón tréimhse 1600-1900 a chur os comhair an phobail.^[3]

Chuir sé bailchríoch ar a leagan Béarla de Chúirt an Mheán Oíche in The New Oxford Book of Irish Verse i 1986, teaglaim eile a chuir sé in eagar.

Gairm

Bhí Kinsella ina fhile cónaitheach in Ollscoil Illinois sna Stáit Aontaithe agus ina dhiaidh sin ceapadh in Ollamh Béarla é in Ollscoil Temple, Philadelphia.

Bronnadh an draoi gradam ar Thomas Kinsella i rith a mharthana, dochtúireachtaí oinigh agus Saoirse Bhaile Átha Cliath in 2007 ina measc.^[1]

Saol pearsanta

In Inse Chór i mBaile Átha Cliath sa bhliain 1928 a rugadh Thomas Kinsella. Rinne sé céim eolaíochta sa Choláiste Ollscoile, Baile Átha Cliath. Chaith sé seal ina státseirbhíseach sular thug sé faoin léann agus faoin scríbhneoireacht go lánaimseartha.^[1]

Bhí triúr clainne ar Thomas Kinsella agus a bhean, Eleanor.