Oilthigh na Gàidhealtachd agus nan Eilean

Tha Oilthigh na Gàidhealtachd agus nan Eilean (OGE) na chaidreachas de 13 colaistean agus ionadan rannsachaidh, a' tabhainn foghlaim gu ìre oilthigh air feadh na Gàidhealtachd agus nan Eileanan. Fhuair iad inbhe oilthigh 2 an Gearran 2011.^[1] Roimhe sin b' e Institiùd OGE nam Mìle Bliadhna a bh' annta.

Oifis Oilthigh na Gàidhealtachd agus nan Eilean

'S e seo am facal-suaicheantais aige: Foghlam aig ìre Oilthigh air a' Ghaidhealtachd is anns na h-Eileanan.

Com-pàirtichean

Colaistean

• Ionad Mara NAFC OGE, Sgalabhagh, Sealtainn
• Colaiste Shealtainn, Léiruig, Sealtainn
• Colaiste Arcaibh, Baile na h-Eaglaise, Arcaibh
• Colaiste na Gaidhealtachd a Tuath OGE, Inbhir Theòrsa, Gallaibh
• Colaiste a' Chaisteil, Steòrnabhagh, Leòdhas
• Colaiste Inbhir Nis, Inbhir Nis
• Sabhal Mòr Ostaig, Sléite, An t-Eilean Sgitheanach
• Colaiste Mhoireibh, Eilginn, Moireabh
• Colaiste Diadhaireachd na Gaidhealtachd, Inbhir Pheofharain
• Colaiste Pheairt, Peairt
• Colaiste Earra-Ghaidheal, Dùn Omhain, Earra-Ghaidheal
• Comann Saidheans Mara na h-Alba OGE, An t-Òban, Earra-Ghaidheal
• Colaiste Loch Abar, An Gearasdan

A' Ghàidhlig aig OGE

Tha OGE a' tabhainn chùrsaichean suas ri ìre ceum MA le urram tro Sgeama na Gàidhlig.