Meadhrath

'S e baile ann an Gallaibh a tha ann am Meadhrath^[1] neo Meaghrath^[2] (Beurla: Reay). Tha e suidhichte air gobhal-rathaid A836, mu dhà mhìle deug (19 km) iar air Inbhir Theòrsa agus trì mìltean (4.8 km) iar air Dùnrath. Gus a’ bhliadhna 1891, bha e suidhichte eadar Gallaibh agus Cataibh, ach a-nis, bhon a dh'atharraich a' chrìoch eadar Cataibh is Gallaibh, tha Meadhrath ann an Gallaibh a-mhàin.^[3]

Meadhrath
Suidheachadh
Meadhrath (Alba)
Dùthaich	Alba
Comhairle	Comhairle na Gàidhealtachd
Siorrachd	Gallaibh
Parraist	Meadhrath
Co-chomharran	58° 33′ 34″ T 3° 46′ 35″ I
Comharradh-clèithe	NC967648
Feartan fiosaigeach
Àireamh fòn	01847
Còd-puist	KW14

Tha taigh-mòr, Taigh Shanndasaid, air taobh iar a' bhaile o chionn 1751.^[4] Tha leacan snaidhte Cruithnich ann.^[5]

Rinneadh moraireachd Albannach "Lord Reay" 20 an Ògmhios 1628 nuair a chaidh Sàr Dòmhnall MacAoidh àrdachadh; 's ann air a' bhaile a tha a' mhoraireachd air a h-ainmeachadh. Tha Aonghas Sìm MacAoidh na Mhorair Mheadhrath san latha an-diugh.^[6]