Michiel de Ruyter

B' e Michiel de Ruyter (IPA: miˈχil ˈaˑdrijaˑnˌsoˑn də ˈrœy̆tər, ainm slàn: Michiel Adriaenszoon de Ruyter, Vlissingen, 24 am Màrt 1607 - Bàgh Siracusa, 29 an Giblean, 1676) seòladair agus àrd-mharaiche às Na Tìrean Ìsle. Chaidh e gu muir nuair a bha e dìreach 11 bliadhna a dh'aois agus,^[1] mean air mhean thigeadh e air adhart: 1633 na leas-chaiptean, 1637 na chaiptean, 1654 na leas-àrd-mharaiche, 1654 na àrd-mharaiche. Bha e cho mhòr-chòrdte leis na maraichean sa chabhlach gun do chuireadh am far-ainm Bestevâer (Duitsis: seanair) air.

Michiel de Ruyter
Beatha
Breith	Vlissingen, 24 dhen Mhàrt 1607
Dùthaich	Poblachd nan Seachd Roinnean Aonaichte
Àite-fuirich	Residence of Michiel de Ruyter (en)
Ciad chànan	Duitsis
Bàs	Syracuse (en) , 29 dhen Ghiblean 1676
Àite-adhlacaidh	tomb of Michiel de Ruyter (en)
Nàdar a’ bhàis	(killed in action (en) )
Teaghlach
Athair	Adriaan Michielszoon
Màthair	Aelken Jansdochter de Ruyter
Cèile	Anna van Gelder (en)  (8 dhen Fhaoilleach 1652 -
Clann	liosta Margaretha de Ruyter (en) Aelken (Alida) de Ruyter (en)
Foghlam
Cànain	Duitsis
Dreuchd
Dreuchd	oifigear, seòladair, skipper (en) agus sgrìobhadair
Com-pàirtiche Battle of Stromboli (en) Battle of Augusta (en)
Àitichean-obrach	Vlissingen agus Amsterdam
Duaisean a fhuaras	liosta Knight of the Order of Saint-Michel
Seirbheis san arm
Meur an airm	Dutch States Navy (en)
Ìre	Àrd-mharaiche captain (en)
Strì	A' Chiad Chogadh eadar na Tìrean Ìsle is Sasainn Portuguese Restoration War (en) Second Anglo-Dutch War (en) Third Anglo-Dutch War (en) Franco-Dutch War (en)
Creideamh
Creideamh	Calbhanachas

Thathar dhen bheachd gur e an t-àrd-mharaiche na b' fheàrr a bh' ann a-riamh ann an eachdraidh na dùthcha, agus am fear na b' ainmeile co-dhiù. Bha na rinn e ri linn a' chiad Chogadh Sasainn - Tìrean Ìsle uabhasach cudromach.^[2] Bha e an sàs ann an caochladh chogadh san Bhaltach agus an aghaidh Spùinneadaireachd anns a' Mhuir Mheadhanach. Ann an 1672,^[3] rè Bliadhna na Dosgainne, thugadh ionnsaigh air a thaigh, leis gur robh dlùth dàimh ann eadar de Ruyter agus Johan de Witt, a cliamhainn.^[4] Bha de Ruyter thall thairis aig an àm. Chaidh De Ruyter a leònadh is e an sàs ann an cath aig Siracusa,^[5] far a bhàsaich e.

Phòs e trì tursan: ri Maayke Velders ann an 1631 ach chaochail i taobh a-staigh bliadhna. Ann ann 1636 phòs e ri Neeltje Engels, nighean fhir-mhalairt agus thug i triùir duine-chloinne dha, air an robh Adriaen, Neeltje agus Aelken.^[6] Phòs e, mu dheireadh thall, leis a' bhantrach Anna van Gelder ann an 1652 agus fhuair iad nighean còmhla, air an robh Margaretha. A bharrachd air sin bha deagh Ghaeilge aice,^[7] leis gun sheòladh e gu Èirinn bho 1623 gu ruige 1631.